न्यूजमधेश समाचारदाता
चितवन ,१० पुस। नेपालकै तेस्रो पर्यटकीय गन्तव्य चितवनको सौराहामा आजबाट १६ औँ हात्ती महोत्सव सुरु भएको छ।
आगामी १८ गतेसम्म सञ्चालन हुने महोत्सवको नेपाल कम्युनिष्ट पार्टी (नेकपा) का अध्यक्ष एवम् पूर्वप्रधानमन्त्री पुष्पकमल दाहाल प्रचण्डले उद्घाटन गर्नुभयो ।
हरेक वर्ष लाग्ने चितवन हात्ती महोत्सवमा हात्तीका छावाहरुबीच फुटबल प्रतियोगिता, हात्ती सुन्दरी प्रतियोगिता, हात्ती पोलो, हात्ती फास्ट वाकलगायतका प्रतियोगिताहरु हुने खेल संयोजक अन्जन पाण्डेले बताउनुभयो ।
आज महोत्सवको पहिलो दिन हात्तीका छावाहरुबीच फुटवल खेलाइएको थियो । यस्तै हात्ती फास्टवाक पनि गरिएको थियो । कार्यक्रममा यसअघि विभिन्न जनजातिको झाँकीसहितको सांस्कृतिक र्याली निकालिएको थियो ।
नागरिकता विधेयक बिषयमा गठबन्धन बनाएर सहकार्य गर्न डा राउतद्वारा अन्य पार्टीसंग आग्रह
नेकपा पार्टीभित्रको समस्या समाधान गर्न नयाँ एकता गर्नुपर्छ ः नेता पौडेल
