२१ आषाढ २०८२, आइतबार
06-07-2025 , Sun
×

१० हजार रुपैयामा सांसदको अण्डरवियर र गन्जी मागे पछि स्थानीय नेता मिश्रा कुटिए

Logo
प्रकाशित बिहिबार, पुष १०, २०७६

न्यूजमधेश समाचारदाता
कपिलबस्तु, १०पुस।कृष्णनगरका स्थानीय नेता श्याम मिश्राले प्रतिनिधी सभा क्षेत्र नं. ३ का सांसद अभिषेक प्रताप शाहको अण्डर वियर र गन्जी मागे पछि उत्पन्न विवादमा नेता मिश्रा उपर हातपात भएको छ ।

सांसद शाहका डईभर शशीकान्त कश्यपलाई युवा नेता मिश्राले सांसद शाहको भित्री वस्त्रहरु अण्डरवियर र गन्जी लुकाएर ल्याईदिन आग्रह गरे । त्यसको बदलामा नेता मिश्राले डईभर कश्यपलाई नगद १० हजार रुपैया दिने प्रलोभन देखाएको डईभर कश्यपले बताए । तर सो आग्रह आफुले नमानी सो कुरा सांसद शाहलाई भनिदिंए, डईभर कश्यपले भने ।

घटना पौष ५ गते सांझको हो । नेता मिश्रा र डईभर कश्यप विच भएको यो वर्तालाप बारे बुझ्न युवा नेता मिश्रालाई शाह भवनमा आफुले बोलाएको सांसद शाहले बताए । आफ्नो भित्री वश्त्र किन चाहियो भनेर सोध्दा नशामा रहेका नेता मिश्रा उल्टै चर्को स्वरमा कराउन थाले, सांसद शाहले भने, “त्यस पछि डईभर कश्यप र मिश्रा विच विवाद उत्पन्न भए भयो ।” सो विवाद पछि मिश्राले जथाभावी गाली गलौज गर्न थाले पछि आफुहरु विच सामान्य झैझगडा तथा झडप सृजना भएको डईभर कश्यपले बताए ।

मलाई नै टुनामुना लगाउन मेरो भित्री बस्त्र खोज्ने र मेरा डईभरसंग भएको विवादलाई लिएर मलाई बदनाम गर्न खोज्ने एक खाले तत्व कृष्णनगरमा क्षेत्रमा सक्रिय रहेको सांसद शाहले आरोप लगाए । यसमा आफ्नो कुनै संलग्नता छैन, घटना बारे छानविन गर्न स्थानीय प्रशासन समक्ष मेरो पनि आग्रह छ, सांसद शाहले भने ।

सांसद शाहको भित्री वस्त्र लिएर टुनामुना लगाउनका लागि यस्तो प्रयास गरिएको हुन सक्ने सांसद शाहका एक निजी सचिवले बताए । युवा नेता मिश्रा राप्रपा नेपालका तर्फबाट कृष्णनगर नगरपालिकामा मेयर पदमा उम्मेदवार रहेका थिए । नेता मिश्राले भने आफुलाई सांसद शाहले हातपात गरेको आरोप लगाएका छन् ।

कमेन्ट गर्नुहोस्
सम्बन्धित

सिराहा जिल्लाको धनगढीमाई नगरपालिका वडा नं. ८ ले हालै प्रकाशित २०८१ सालको SEE परीक्षाको नतिजा अनुसार श्री जनता माध्यमिक विद्यालय, कासहा बाट उत्तीर्ण भएका विद्यार्थीहरूलाई एक भव्य समारोहका बीच सम्मान गरेको छ। कार्यक्रमको उद्देश्य सामुदायिक विद्यालयप्रति समाजमा व्याप्त नकारात्मक सोचलाई हटाउँदै, सार्वजनिक विद्यालयलाई गुणस्तरीय शिक्षाको केन्द्र बनाउने रहेको बताइएको छ। सम्मान कार्यक्रममा सहभागी विद्यार्थीहरूलाई खादा, […]

सिराहा, औरही — औरही गाउँपालिकाले प्रत्येक आर्थिक वर्षमा दर्जनौं मोबाइल फोनहरू खरिद गरी जनताको करको पैसा अनावश्यक रूपमा खर्च गर्दै आएको तथ्य सार्वजनिक भएको छ। हालै सार्वजनिक भएको आर्थिक वर्ष २०८०/८१ को महालेखा परीक्षण प्रतिवेदनअनुसार गाउँपालिकाले ७ थान मोबाइल फोन खरिदमा ७,३०,२०९ रुपैयाँ खर्च गरेको देखिन्छ, जुन स्थानीय सरकार सञ्चालन ऐन, २०७४ र आर्थिक कार्यविधि […]

सिरहा,१८ चैत्र: सिराहाको बरियारपट्टी गाउँपालिका वडा न.२ खोकसीमा कृष्ण मन्दिर निर्माण तथा भवन निर्माण कार्यको शिलान्यास भएको छ। आज एक कार्यक्रम बीच सिराहा निर्वाचन क्षेत्र नम्बर २ ( १ ) बाट निर्वाचित मधेस प्रदेश सांसद तथा भुपु भूमि व्यवस्था तथा कृषि राज्यमन्त्री संजय कुमार यादव द्वारा शिलानास भएको हो। मधेस प्रदेश सरकारको उद्योग , बाणिज्य […]