०२ साउन २०८१, बिहिबार
18-07-2024 , Thu
×

महिला हिंसाबाट जोगाउन बालिकालाई आत्मरक्षा तालिम

Logo
प्रकाशित शुक्रबार, पुष ११, २०७६

विशाल पाण्डेय
कैलाली ,११ पुस। महिला हिंसाका घटना बढ्न थालेपछि स्टिम परियोजनाले विद्यालयका बालिकाहरुलाई आत्मरक्षासम्बन्धी तालिम दिएको छ । कैलालीको घोडाघोडी नगरपालिका -५ चोङ्गालीपुरमा रहेको दरख माध्यमिक विद्यालयका छात्राहरुलाई आत्मरक्षा सम्बन्धी तीन दिने आधारभूत तालिम दिएको हो ।

तालिममा विद्यालयमा अध्ययनरत कक्षा १० का ४५ जना छात्राहरु सहभागि भएका थिए । उनीहरुलाई आत्मरक्षा कसरी गर्ने भनेर मार्शल आर्टको तालिम दिइएको हो ।

महिला हिंसाका घटना, कुटपिट र जबरजस्ती करणीका घटना बढी भएको हुनाले घटनालाई निरुत्साहित गरि महिलाको आत्मबल बढाउन तालीमको आयोजना गरिएको मर्सिकोरको सिनियर अफिसर पवित्रा चौधरीले बताइन् । उनले ‘महिला हिंसा न्युनीकरण गर्न खेलकुद उत्तम विकल्प हुने भएकोले खेलकुदकै माध्यमबाट घटनाबाट कसरी बच्ने भन्नेबारे विभिन्न ट्रिकहरु सिकाएको बताइन् ।

आत्मरक्षा तालिमबाट आफुमा निकै परिवर्तन भएको र हिंसाको बिरुद्धमा बोल्न सक्ने क्षमतामा बृद्धि भएको तालिममा सहभागी घोडाघोडी नगरपालिका- ७ हरिनगरकि निशा जैशीले बताइन् ।

तालिममा सहभागी अर्कि छात्रा रचना चौधरीले अप्ठ्यारोमा परेका बेला आफ्नो सुरक्षा आफै कसरी गर्ने, किशोरी मैत्री समाज कसरी बनाउने लगायतका कुराहरु सिकेको बताइन् । उनले यहाँ सिकेको स्टेपहरु घर वरपरका साथीहरुलाई पनि सिकाउने प्रतिबद्धता जनाइन । कार्यक्रममा सहभागी छात्राहरु र सरोकारवालाहरु बिच सवाल र जवाफ समेत गरिएको थियो ।

समापन कार्यक्रममा घोडाघोडी नगरपालिका वडा नम्बर ५ का वडाध्यक्ष प्रेम रोकायाले आफुहरुले सिकेको सीपलाई ब्यवहारमा लागु गर्दै अरुलाई पनि सिकाउन आग्रह गरे । पछिल्लो समय धेरै हिंसात्मक गतिबिधिहरु भईरहेकोले आत्मरक्षा तालिमले बालिकाहरुको आत्मबल बढे संगै धेरै सहजताको अनुभुती गर्ने धारणा राखे । मानवमा हुने भेदभावका कारण नै बढी हिंसा हुने गरेको बताएउदै अध्यक्ष रोकायाले हिंसा न्यूनीकरणका लागि परम्परागत सोचको अन्त्य गर्दै अभिभावकहरुपनी सतर्क रहनु पर्ने बताए । स्टिम परियोजनाका सहजकर्ता निर्मला चौधरी तथा अरुण विकले छात्राहरुलाई तिन दिनसम्म प्रशिक्षण दिएका थिए ।

कमेन्ट गर्नुहोस्
सम्बन्धित

काठमाडौं । ईयूको सहयोगमा क्रिएसन नेपालले ‘ग्रीनसिफ्ट एम्बेस्डर’ छनौटका लागि फारम आव्हान गरेको छ । ग्रीनसिफ्ट परियोजना अन्तर्गत वातावरण संरक्षण प्रति युवाहरुलाई सचेतना जगाउनका लागि ‘ग्रीनसिफ्ट एम्बेस्डर’ छनौटका लागि फारम आव्हान गरिएको हो । ईयूको सहयोगमा सञ्चालित ग्रीनसिफ्ट नेपाल परियोजनाको लक्ष्य र उद्देश्यहरू हासिल गर्न वृहत युवा संलग्नतालाई प्रवद्र्धन गर्नका लागि ‘ग्रीनसिफ्ट एम्बेस्डर’ एक महत्वपूर्ण […]

चितवन । चितवनमा एक वर्षको अवधिमा सवारी दुर्घटनामा परी एक सय १५ जनाको मृत्यु भएको छ । विसं २०८० साउनदेखि २०८१ असारसम्म उक्त मानवीय क्षति भएको हो । जिल्लाका भित्री सडकमा भन्दा राजमार्गमा भएका दुर्घटनामा परी बढी मानवीय क्षति भएको हो । दुर्घटनामा परी मृत्यु हुनेमा ९२ पुरुष, १९ महिला र चार बालक रहेका छन् […]

काठमाडौँ । काठमाडौँको उत्तरी भेगस्थित शेषनारायण मन्दिरमा आज बिहानैदेखि दर्शनार्थीको घुइँचो लागेको छ । दक्षिणकाली नगरपालिकाको फर्पिङमा पर्ने उक्त मन्दिरमा प्रत्येक वर्ष असार शुक्ल एकादशीका दिन मेला लाग्छ । यहाँ आउने भक्तजनलाई व्यवस्थित गर्न स्थानीय जनप्रतिनिधि र सुरक्षाकर्मी खटिएका छ्न् । काठमाडौँ उपत्यकाका चार नारायणमध्ये शेषनारायण मन्दिरलाई एक महत्त्वपूर्ण तीर्थस्थलका रूपमा लिइन्छ । असार शुक्ल […]