सार्वजनिक विदाको दिन सरकारी सवारी साधन चलाएको भन्दै नियन्त्रणमा

न्यूजमधेश समाचारदाता
लाहन,१९ पुस।सार्वजनिक विदाको दिन सरकारी सवारी साधन चलाएको भन्दै प्रहरीले नियन्त्रणमा लिएको छ ।

पुस १९ गते शनिबार सिरहा जिल्लाको विभिन्न स्थानहरुमा सार्वजनिक विदाको दिन सरकारी सवारी साधन चलाएको भन्दै नियन्त्रणमा लिएको हो ।

सार्वजनिक विदा शनिबारको दिन जिल्ला प्रशासन कार्यालयबाट सरकारी सवारी साधनहरु चलाउन वितरण गरिने ‘पास’ विना चलाईरहेको अवस्थामा ८ (आठ) वटा सरकारी मो.सा. हरु नियन्त्रणमा लिइएको जिल्ला प्रहरी कार्यालय सिरहाले जनाएको छ ।

यसैगरी सम्बन्धित कार्यालयका कर्मचारीहरुलाई प्रथम पटक चेतावनी दिई अब आइन्दा जिल्ला प्रशासन कार्यालयको पास विना सार्वजनिक विदाको दिन सरकारी सवारी साधन नचलाउने सर्तमा सम्बन्धित कार्यालयको कर्मचारीलाई दिउसो तिर जिम्मा लगाईएको थियो।