न्यूजमधेश समाचारदाता
जनकपुरधाम,२० पुस।जनकपुरधाम उपमाहानगरपालिकाले शितलहर प्रभावित दृष्टिविहिन व्यक्तिहरुलाई राहत समाग्री वितरण गरेको छ ।
जनकपुरधाम उपमाहानगरपालिका कार्यालयमा आइतवार राष्ट्रिय अदृष्टिय संघका ११ जना पदाधीकारीहरुलाई उपमहानगरका मेयर लालकिशोर साहले शितलहरमा न्यानो प्रदानका लागि व्लेन्केट,बाल्टीन,जग,२५ किलो चामल,५ किलो दाल लगायतका समाग्री वितरण गरेका छन ।
दृष्टिविहिन व्यक्तिहरुलाई मुलुकले नै हेर्न छाडेको अवस्थामा उपमहानगरले गरेको राहत वितरणबाट निकै नै हर्ष महसुस भएको संघका पदाधीकारीले वताए ।
राहत वितरण कार्यक्रममा उपमहानगरका वार्ड नं १६,वार्ड नं १५ र वार्ड नं १२ का वार्ड अध्यक्षका संगै शिक्षा महाशाखा प्रमुख मेहिलाल यादव, जिन्सी शाखा प्रमुख गणेश यादवको उपस्थिती रहेको थियो ।
