न्यूजमधेश समाचारदाता
सप्तरी, २१ पुस।जनमत पार्टीका संगठन विस्तारका क्रममा सप्तरीमा फेरी दुई स्थानिय तहमा तदर्थ समिति सोमवार गठन गरिएको छ ।
छिन्नमस्ता गाउँपालिका वडा नम्बर ६ कोचाबखारीमा गोविन्द मण्डल (बौउवइन) को नेतृत्वमा गठन गरिएको छ भने, तिलाठी कोईलाडी गाउँपालिकामा सुशिल कुमार मण्डलको नेतृत्वमा गठन गरिएको हो ।
तिलाठी कोईलाडी गाउँपालिकामा सुशिल मण्डलको अध्यक्षतामा आयोजना गरिएको कार्यक्रममा उपाध्यक्षमा केशव कुमार साह, सचिवमा प्रदिप मुखिया, सह-सचिवमा दिनेश मण्डल, कोषाध्यक्षमा सुर्यदेव मण्डललगायत २१ सदस्यीय तदर्थ समिति गठन गरेको छ ।
यसै गरी कोचाबखारीमा हुकुम देव साहको अध्यक्षतामा आयोजना गरिएको कार्यक्रममा उपाध्यक्षमा मन्सी सदा, सचिवमा हुकुम देव साह, सह -सचिवमा कपिल देव राम, कोषाध्यक्ष्मा रमानन्द मण्डललगायत ३१ सदस्यीय तदर्थ समिति गठन गरेका छन् ।
जनमत पार्टीका केन्द्रिय सदस्य तथा सप्तरीका इन्चार्ज सुरेन्द्र मधेशीको प्रमुख आतिथ्यमा आयोजना गरिएको कार्यक्रममा चन्देश्वर मण्डल (किसान), मनोज यादव, संजय यादवसमेतको उपस्थिति रहेको थियो ।
