०७ साउन २०८१, मंगलबार
23-07-2024 , Tue
×

पर्साको नापी कार्यालयका सर्वेक्षक ७५ हजार घुससहित अख्तियारको फन्दामा

Logo
प्रकाशित सोमबार, पुष २१, २०७६

न्यूजमधेश समचारदाता
विरगंज,२१ पुस।पर्सा जिल्लाको नापी कार्यालयका कर्मचारी घुससहित पक्राउ परेका छन्।

सेवाग्राहीसँग ७५ हजार घुस रकम लिँदै गर्दा पर्साको नापी कार्यालय अन्तर्गत २ नम्बर नापी टोलीको कार्यालयका कर्मचारी रंगेहात पक्राउ परेका हुन्।

पक्राउ पर्ने कर्मचारी नापी कार्यालयको सर्वेक्षक रामनरेश पासवान रहेको अख्तियार दूरुपयोग अनुसन्धान आयोग हेटौँडा कार्यालयका सूचना अधिकारी शिवराज रेग्मीले जानकारी दिएको छ।

‘सेवाग्राहीसँग जग्गा हाल साविक गरी पुनः नापीको जग्गाधनी प्रमाण पूर्जा बनाइदिने भन्दै ७५ हजार घुस लिँदै रहेछन्’, उनले भने।

सेवाग्राहीसँग घुस लिँदै गरेका सर्वेक्षक पासवानलाई थप अनुसन्धानका लागि अख्तियारको हेटौँडा कार्यालयमा पुर्‍याइसकेको टोलीमा आएका सदस्यले बताए।

पासवान पहिलेदेखि नै सेवाग्राहीसँग घुस रकम लिन पल्केको आफूहरुलाई सूचना प्राप्त भएको टोलीका सदस्यहरुको भनाइ छ ।

स्थायी घर महोत्तरी जिल्ला मोहत्तरी नगरपालिका-४ भएका ५३ वर्षीय पासवान नापी कार्यालय पर्सा अन्तर्गत २ नं. नापी टोलीको कार्यालयका अनुभवी कर्मचारी रहेको कार्यालयका अरु कर्मचारीले बताएका छन्।

कमेन्ट गर्नुहोस्
सम्बन्धित

जनकपुरधाम ।मधेश प्रदेशका मुख्यमन्त्री सतिशकुमार सिँहले महोत्तरीको बर्दिवास नगरपालिकास्थित टुटेश्वरनाथ महादेव मन्दिरको पूर्वाधार विकास र प्रचारप्रसारबाट स्थानीय अर्थतन्त्र मजबुत बनाउन सकिने बताएका छन् । सोमबार बिहान साउनको पहिलो सोमबार टुटेश्वरनाथ महादेवको पूजाअर्चनापछि मुख्यमन्त्री सिँहले मन्दिरमा आन्तरिक पर्यटकको आगमन तीव्रताका साथ बढाउन सकिए स्थानीय अर्थतन्त्र मजबुत भएर त्यसक्षेत्रका बासिन्दाको जीविकोपार्जनमा सघाउ पुग्ने उल्लेख गरे । उनले […]

जनकपुरधाम, ७ साउन ।चार पटकका सांसद एवम् पूर्वमन्त्री रामचन्द्र रायको सर्लाहीस्थित चन्द्रनगर गाउँपालिका वडा नम्बर २ रतनपुरमा हत्या भएको छ । पूर्वमन्त्री यादव सर्लाही सदरमुकाम मलंगवामा बस्दैआएका थिए । गाउँमा मृत्युभोज सकाएर आइतबार रातिविश्रामका लागि पुगेका पूर्वमन्त्री यादवलाई जग्गासम्बन्धी विवाद सुल्झाउन आग्रह गर्न पुगेका अज्ञात तीनजना व्यक्तिले धारिलो हतियार प्रयोग गरेर उनको हत्या गरेको आशंका […]

जनकपुरधाम । मधेस प्रदेशका मुख्यमन्त्री सतिसकुमार सिंहले आइतबार मुख्यमन्त्रीको कार्यालयसहित ११ वटा मन्त्रालयको छड्के निरीक्षण गरेका छन् । प्रदेश सरकारको कार्यालयमा कर्मचारीहरूको लापरबाही बढेको गुनासो आएपछि मुख्यमन्त्री सिंहले बिहान मुख्यमन्त्रीको कार्यालयसहित ११ वटा मन्त्रालयको अनुगमन गरेका हुन् । निरीक्षण तथा अनुगमनको क्रममा मुख्यमन्त्री सिंहले अधिकांश कर्मचारीहरूमा धेरै लापरबाही रहेको पाइएको बताए । उनले कर्मचारीहरूमा खासगरी […]