न्यूजमधेश समाचारदाता
जनकपुरधाम ,२२ पुस।स्वास्थ्य मन्त्रीले विभेद गरेको भन्दै हेल्थ असिस्टेन्ट संघ नेपालले सोमवार जिल्ला प्रशासन कार्यालय धनुषा मार्फत सरकारलाई ज्ञापन–पत्र बुझाएको छ ।
प्रमुख जिल्ला अधिकारी मार्फत सरकारलाई संघका अध्यक्ष धिरेन्द्र कुमार यादबको नेतृत्वमा पुगेका हेल्थ असिस्टेन्टहरु ज्ञापन–पत्र बुझाएको हो । जिम्मेवारी विहिन गरेकाले न्यायोचित जिम्मेवारी दिनका लागि हेल्थ असिस्टेन्टहरुले सरकारसँग माग राखेका छन् । उनीहरुले १२ महिनाको कोर्ष पढेर जागिर गर्ने अहेबको अण्डरमा राख्ने नीति स्वीकार गर्न नसकिने ज्ञापन–पत्रमा उल्लेख गरेका छन् ।
संघका अध्यक्ष धिरेन्द्र कुमार यादबले योग्यताको मुल्यांकन गरी हेल्थ चौकीको इन्चार्ज हेल्थ असिस्टेन्टहरुलाई बनाउनुपर्ने मुख्य माग सरकारसँग रहेको बताए । उनले अहेबको अण्डरमा राखेर हामी हेल्थ असिस्टेन्टहरुलाई थिचोमिचो गरेको आरोप समेत लगाए । भने, ‘सरकारले जुन खालको विभेद गर्न खोजेका छन् । यो कद्दापी स्वीकार्य गर्न सकिदैन ।’
संघले हेल्थ असिस्टेन्टहरुलाई न्यायोचित जिम्मेवारी नदिएमा आन्दोलनको कार्यक्रमहरु ग्र्न बाध्य हुने चेतावनी समेत ज्ञापन–पत्र मार्फत दिएको छ । अहेबलाई स्वास्थ्य चौकी प्रमुख बनाउने भएका कारण अहिले कैयौं स्वास्थ्य चौकीमा विवाद चलिरहेको छ । विवादका कारण उपचार सेवा समेत प्रभावित बनेको देखिन्छ ।
