२० मंसिर २०८१, शुक्रबार
06-12-2024 , Fri
×

ईन्सपेक्टर साहलाई भव्य विदाई समारोह जनकपुरमा

Logo
प्रकाशित मंगलबार, पुष २२, २०७६

न्यूजमधेश समचारदाता
जनकपुरधाम, २२ पुस । नेपाल प्रहरी धनुषाका अपराध अनुसन्धान तथा मुद्दा शाखाका ईन्चार्ज प्रहरी ईन्सपेक्टर उमाशंकर प्रसाद साह सिंघम रहेको सरोकारवालाहरुले बताएका छन् ।

जिल्ला प्रहरी कार्यालय धनुषामा हाजिर भएदेखि ठूल ठूला अपराधमा संलग्न दोषि, लागु औषध नियन्त्रण तथा विभिन्न मुद्दालाई कम समयमै टुंगो लगाएर ख्याति कमाएका ईन्सपेक्टर उमाशंकर नेपाल प्रहरीकै एक उत्कृष्टि प्रहरी अधिकारी रहेको भन्दै सरोकारवालाहरु खुलेरै प्रशंसा गरेका छन् ।

यूथ एक्सन फोर्स, जनकपुरको आयोजनामा भानु चौकमा आयोजित सिंघम ईन्सपेक्टर साहको विदाई समारोहका प्रमुख अतिथि समाजवादी पार्टीका प्रमुख सचेतक तथा धनुषा क्षेत्र नं.२ का प्रतिनिधि सभा सांसद उमाशंकर अरगडियाले ईन्सपेक्टर साहको अनुसन्धान निकै तिखो रहेको बताए ।

महेन्द्रनगर बम काण्डका मुख्य अभियुक्त, ब्यापारी मनोज साहको हत्यारा, जनकपुरकै बिच बजारको पसलमा डकैती हुँदा घटना स्थलबाटै रंगेहात पक्राउ गर्नु, बलात्कारमा संलग्नहरुलाई घटना लग्तै कानूनी दायरामा ल्याउने लगायतका अनुसन्धान टुंग्याउने कार्य गरेर आप्mनो क्षमता देखाईसकेको उनले बताए ।

सिंघम ईन्सपेक्टरको धनुषाबाट एक्कासी सरुवा हुनु निकै गम्भिर रहेको तर्क गर्दै प्रमुख सचेतक अरगडियाले ईन्सपेक्टर साह नेतृत्वको प्रहरी टोलीले जिल्लाको अपराध नियन्त्रण तथा न्यूनिकरणमा महत्वपूर्ण योग्दान दिएको बताए ।

कार्यक्रममा जनकपुर उद्योग बाणिज्य संघका महासचिव जितेन्द्र महासेठले ईन्सपेक्टर साहको विदाईले जनकपुरका उद्योगि ब्यापारीहरु निकै चिन्तीत बनेको बताए । जिल्लाको सुरक्षा ब्यावस्था चुस्तदुरुस्त बनाउन ईन्सपेक्टर साहको उल्लेख्य योग्दान रहेकाले छिट्टै जिल्लाकै नेतृत्व सम्हालेर जनकपुर आउन आग्रह गरे ।

ईन्सपेक्टर साह धनुषामा आए देखि सर्वसाधरणहरुलाई जिल्ला प्रहरी कार्यालयको कामकाजमा निकै सहज बातावरण बनाएको नेपाली कांग्रेस धनुषाका उपाध्यक्ष नरेश यादवले बताए ।

लागु औषध नियन्त्रण, चोरी तस्करी नियन्त्रण, अपराधी तथा दोषिलाई ईन्सपेक्टर साहले सिंघम स्टाईलमा कानूनी दायरामा ल्याएर जिल्लाको शान्तिसुरक्षाको प्रत्याभूति गराएको यूथ एक्सन फोर्स, जनकपुरका अध्यक्ष प्रशान्त झाले बताए ।ईन्सपेक्टर साहबाट युवा बर्गले धेरै कुरा सिक्नु पर्ने आवश्यकता रहेको बताउँदै अध्यक्ष झाले भने ईन्सपेक्टर साहको योग्दानलाई जिल्लाबासीले उच्च सम्मान गरेको छ ।

कार्यक्रममा समाजवादी पार्टीका यूवा नेता रविन्द्र अरगडिया, जनकपुर वडा नं.१ का सदस्य निरंजन यादव, राजपाका संजय चौधरी, उपेन्द्र साह, किसन साह लगायतका भानु चौकका उद्योगि ब्यापारी, बुद्धिजिवी,युवाहरुको सहभागिता रहेको थियो ।

कमेन्ट गर्नुहोस्
सम्बन्धित
औरही गाउँपालिकामा प्रधानाध्यापकको दुर्व्यवहारविरुद्ध पूर्व विद्यार्थी मञ्चको आन्दोलन

सिराहा, कार्तिक २९ – श्री सुन्दर जनता मावि औरहीमा आयोजित हाजिरीजवाफ प्रतियोगिता र गुरु सम्मान कार्यक्रममा विद्यालयका प्रधानाध्यापक विवेक कुमार यादवको दुर्व्यवहार र धम्कीका कारण पूर्व विद्यार्थी मञ्च २०६४ व्याचले आन्दोलनको घोषणा गरेको छ। कार्यक्रमका क्रममा समय अभावले छोट्याउनुपरेको अवस्थामा प्रधानाध्यापक यादवले आयोजक मञ्चका सदस्यहरूमाथि दुर्व्यवहार गर्नुका साथै कार्यक्रम विथोल्ने प्रयास गरेको आरोप लागेको छ। […]
विवाह पञ्चमीको तयारी गर्न मुख्यमन्त्री सिंहको निर्देशन

जनकपुरधाम : मधेस प्रदेशका मुख्यमन्त्री सतिशकुमार सिंहले यही मड्सिर २१ गते जनकपुरधाममा मनाइने राम सीताको विवाह महोत्सव अर्थात् विवाह पञ्चमीलाई व्यवस्थित बनाउन सम्बन्धित निकायलाई निर्देशन दिनुभएको छ । मुख्यमन्त्री तथा मन्त्रिपरिषद् कार्यालयको आयोजनामा विवाह पञ्चमी महोत्सव तयारी सम्बन्धमा आज यहाँ आयोजित बैठकमा उहाँले सो निर्देशन दिनुभएको हो । मुख्यमन्त्री सिंहले भारतको अयोध्याधामबाट आउने जन्ती तथा […]
द्वन्द्वपीडित भन्छन्-‘घर गुजारा चलाउन पनि कठिनाइ भयो’

नेपालगञ्ज : सशस्त्र द्वन्द्वका क्रममा पीडित भएकाहरूले दैनिक रूपमा घर गुजारा चलाउन र नियमित औषधि सेवनमा समेत कठिनाइ भएको गुनासो गरेका छन् । विस्तृत शान्ति सम्झौता, सङ्क्रमणकालीन न्याय र द्वन्द्वपीडितको न्यायका सवालमा आज यहाँ आयोजना गरिएको अन्तरक्रियामा उहाँहरूले शान्ति प्रक्रिया टुङ्गोमा नलाग्दा वास्तविक पीडितले राहत, पुनःस्थापनालगायत सेवा पाउनबाट वञ्चित भएको बताउनुभएको छ । नेपालगञ्जकी द्वन्द्वपीडित […]