न्यूजमधेश समाचारदाता
जनकपुरधाम,२३ पुस।जनकपुरधाम उप–महानगरपालिकाले पत्रकारहरुले नै अपशब्द बोलेको दावी गरेको छ ।
घट्नापछि नगरपालिकाले बिज्ञप्ती जारी गर्दै नेपाल पत्रकार महासंघ धनुषा शाखाका अध्यक्षअनिल मिश्रसहित पत्रकारहरु अमरकान्त ठाकुर, विकास साह, शुत्रद्यन यादव गुण्डा शैलीमा उप महानगरपालिकाको कार्यालयमा प्रवेश गरी सेवाग्राहीलाई अपशब्द प्रयोग गरेको दावी गरेको हो ।
उप–महानगरपालिकाका निमित्त प्रमुख प्रशासकीय अधिकृत मेहीलाल यादवले मंगलबार जारी गरेको बिज्ञप्तीमा नगर प्रमुखको कार्यकक्षमा पुगी उपस्थित नगर प्रमुख, कार्यपालिका सदस्य, वडा अध्यक्ष,सेवाग्राही समेतलाई अभद्र व्यबहार र कुटपिट गरी बितण्डा मचाएको जनाएको छ ।
घट्नाको कानुन बमोजिमको स्वतन्त्र, निष्पक्ष,न्यायीक समिति गठन गरी सत्य–तथ्य अनुसन्धान गरी अनुसन्धानबाट ठहर हुने अपराधी पत्रकारहरुमाथि हदैसम्मको कार्वाहीको माग गरिएको छ । बिज्ञप्तीमा पत्रकारहरुले कुटपिट समेत गरेको दावी गरिएको छ ।
कुटपिटबाट कार्यपालिका सदस्यद्वय पुष्पा यादव र सुनीता मेस्तरनी तथा उप–महानगरपालिका कार्यालयका कार्यालय सहयोगी मिना देवी र सेवाग्राही प्रमिला मण्डल घाइते भएकाले क्षतिपूर्ती समेत दिलाउन बिज्ञप्तीमा माग गरिएको छ ।
कुटपिटबाट प्रमिला मण्डल, सुनिता मेस्तरी, मीना साह र पुष्पा यादव घाइते भएको क्षतिपूर्ती दिलाउन समेत माग गरिएको छ ।
