०७ साउन २०८१, मंगलबार
23-07-2024 , Tue
×

संचार क्षेत्र स्वतन्त्र र निष्पक्ष हुनुपर्छ, अधिकार हतियारको रुपमा प्रयोग गर्नुहुदैन : वृशेषचन्द्र लाल

Logo
प्रकाशित बिहिबार, पुष २४, २०७६

न्यूजमधेश समाचारतादा
जनकपुरधाम, २४ पुस । राष्ट्रियसभाका सदस्य वृशेषचन्द्र लालले संचार क्षेत्रले अधिकारको प्रयोग अनुशासित भएर गर्नुपर्ने धारणा राखेका छन् । त्यसका लागि संचारजगतले स्वतन्त्र रुपमा कुनै पनि कुराको चिरफार र विश्लेषण गर्न पाउनुपर्ने बताएका हुन् ।

जनकपुरमा बिहीबार मिडिया काउन्सिल विधेयकको सम्बन्धमा आयोजित सम्बाद कार्यक्रमलाई सम्बोधन गर्दै उनले संचार क्षेत्र स्वतन्त्र र निष्पक्ष हुनुपर्ने धारणा राखे । उनले मिडिया काउन्सिल विधेयकलाई परिमार्जित र परिस्कृत तथा समृद्ध बनाउनकै लागि देशको विभिन्न शहरमा पुगेर सम्वाद कार्यक्रम गरिरहेको बताए ।

राष्ट्रिय जनता पार्टीका वरिष्ट नेतासमेत रहेका उनले भने, ‘मिडिया पक्षपाती र आफ्नो जिम्मेवारीबाट अलग भयो भने समाजमा राम्रो प्रभाव पक्कै पार्दैन । त्यसैले स्वतन्त्र र निष्पक्ष हुन जरुरी छ ।’

उनले कसैको समर्थन वा कसैको विरुद्ध मिडिया हतियारको रूपमा प्रयोग नहोस् भन्ने चाहना रहेको बताए । उनले संचारको स्वतन्त्रतामाथि प्रहार भएमा लोकतन्त्रिक अभ्यासलाई असर पार्ने समेत औँल्याए । उनले प्रदेशसभाको भावना पनि समेटेर कानून बन्नुपर्नेमा जोड दिए ।

संघीय सरकारले मिडिया काउन्सिल विधेयक सदनमा लग्दा व्यापक विरोध भएको थियो । अहिले उक्त विधेयक सदनमा विचाराधिन अवस्थामा छ । अहिले उक्त विधेयकलाई संशोधन गरी परिस्कृत बनाएर पास गर्न देशभर सुझाव संकलन गर्ने क्रममा जनकपुरका संचारकर्मी, मानवअधिकारकर्मी र प्रदेश सांसदसँग सुझाव संकलन गरेको छ ।

सरकारले ल्याएको मिडियका काउन्सिल विधेयकमा पत्रकारलाई २५ हजारदेखि २० लाखसम्म जरिबाना गर्ने प्रावधानमा पत्रकारले आपत्ति जनाएका छन् । नेपाल पत्रकार महासंघ धनुषाका कोषाध्यक्ष अवधेश कामतले जरिवानाको प्रावधान हटाउनुपर्ने धारणा राखेका छन् । उनले संघीय सरकार २० लाखसम्म र प्रदेश सरकार त झन कैयौं गुणा बढी जरिबाना गर्ने प्रावधान राख्नु गलत भएको बताए ।

मिडिया काउन्सिल विधेयकमा पत्रकारलाई दक्ष बनाउन समय समयमा तालिमको व्यवस्था, पत्रकारितामै जीवन व्यतित गरेकाहरुलाई भत्ता र वर्गीकरण गरी विभिन्न सुविधा सरकारले दिनुपर्ने धारणा सहभागीले राखेका छन् ।

कमेन्ट गर्नुहोस्
सम्बन्धित

जनकपुरधाम ।मधेश प्रदेशका मुख्यमन्त्री सतिशकुमार सिँहले महोत्तरीको बर्दिवास नगरपालिकास्थित टुटेश्वरनाथ महादेव मन्दिरको पूर्वाधार विकास र प्रचारप्रसारबाट स्थानीय अर्थतन्त्र मजबुत बनाउन सकिने बताएका छन् । सोमबार बिहान साउनको पहिलो सोमबार टुटेश्वरनाथ महादेवको पूजाअर्चनापछि मुख्यमन्त्री सिँहले मन्दिरमा आन्तरिक पर्यटकको आगमन तीव्रताका साथ बढाउन सकिए स्थानीय अर्थतन्त्र मजबुत भएर त्यसक्षेत्रका बासिन्दाको जीविकोपार्जनमा सघाउ पुग्ने उल्लेख गरे । उनले […]

जनकपुरधाम, ७ साउन ।चार पटकका सांसद एवम् पूर्वमन्त्री रामचन्द्र रायको सर्लाहीस्थित चन्द्रनगर गाउँपालिका वडा नम्बर २ रतनपुरमा हत्या भएको छ । पूर्वमन्त्री यादव सर्लाही सदरमुकाम मलंगवामा बस्दैआएका थिए । गाउँमा मृत्युभोज सकाएर आइतबार रातिविश्रामका लागि पुगेका पूर्वमन्त्री यादवलाई जग्गासम्बन्धी विवाद सुल्झाउन आग्रह गर्न पुगेका अज्ञात तीनजना व्यक्तिले धारिलो हतियार प्रयोग गरेर उनको हत्या गरेको आशंका […]

जनकपुरधाम । मधेस प्रदेशका मुख्यमन्त्री सतिसकुमार सिंहले आइतबार मुख्यमन्त्रीको कार्यालयसहित ११ वटा मन्त्रालयको छड्के निरीक्षण गरेका छन् । प्रदेश सरकारको कार्यालयमा कर्मचारीहरूको लापरबाही बढेको गुनासो आएपछि मुख्यमन्त्री सिंहले बिहान मुख्यमन्त्रीको कार्यालयसहित ११ वटा मन्त्रालयको अनुगमन गरेका हुन् । निरीक्षण तथा अनुगमनको क्रममा मुख्यमन्त्री सिंहले अधिकांश कर्मचारीहरूमा धेरै लापरबाही रहेको पाइएको बताए । उनले कर्मचारीहरूमा खासगरी […]