न्यूजमधेश समाचारदाता
जनकपुरधाम,२७ पुस ।जनकपुरधाम उपमहानगरपालिकामा कार्यरत महिला कर्मचारीहरुले महिला माथि कुटपिट गर्नेहरुमाथि कानुनी कारवाहीको माग सहित जिल्ला प्रशासन कार्यालय धनुषामा ज्ञापनपत्र वुझाएको छ ।
उपमहानगरपालिकामा कार्यरत महिला संघर्ष समितिले आइतवार प्रमुख जिल्ला अधिकारी प्रदिपराज कणेललाई ज्ञापनपत्र वुझाउदै पाचदिन भित्र कानुनी कारवाहीको अल्टीमेटम दिएको छ । दिइएको समयसिमा भित्र माग पुरा नगरिए कालोपर्टी बांधेर नगर प्रर्दशन गर्ने चेतावनी समेत दिएको छ । त्यसपछि पनि माग पुरा नगरिए कडा आन्दोलनमा ओर्लने महिला संघर्ष समितिले चेतावनी दिएको ज्ञापनपत्रमा उल्लेख गरिएको छ ।
महिला संघर्ष समितिका अध्यक्ष उर्मिला देवी मण्डलद्धारा हस्ताक्षरित जारी विज्ञप्तीमा उपमहानगरपालिकालाई नमुना शहर वनाउनबाट रोक्न कान्तीपुर टिभीका पत्रकार अमरकान्त ठाकुर,विकास साह,नेपाल पत्रकार महासंघ धनुषाका अध्यक्ष अनिल मिश्र लगायतले गरेको क्रियाकलाप प्रति गम्भीर ध्यानाकर्षण भएको छ ।
साथै जनकपुरधाम उपमाहानगरपालिकाका कार्यपालिका सदस्य सुनिता मेस्तरनी र पुष्पा यादव तथा कर्मचारी मिना साह र सेवाग्राही प्रमीला मण्डललाई नीज पत्रकारहरुले कुटपिट गरेर घाइते बनाएको हुदा पाच दिन भित्र कारवाही गर्न माग गरिएको ज्ञापनपत्रमा उल्लेख गरिएको छ ।सो समय भित्र कारवाही नगरिएका कडा आन्दोलनमा जाने समेत चेतावनी दिइएको छ ।
