०४ बैशाख २०८१, मंगलबार
16-04-2024 , Tue
×

पत्रकार सिंहको नाउँमा ५ लाखको अक्षय कोषको स्थापना गर्ने मेयर साहको घोषणा

Logo
प्रकाशित सोमबार, पुष २८, २०७६

न्यूजमधेश समचारदाता
जनकपुरधाम,२८ पुस । जनकपुरधामकी प्रथम सहीद महिला पत्रकार उमा सिंहको नाममा जनकपुरधाम उपमहानगरका लालकिशोर साहले पाँच लाखको अक्षय कोष स्थापना गर्ने घोषणा गरेका छन् ।

भ्रमण वर्षलाई सघाउन आइतबार भिजिट मधेसद्वारा आयोजित तराई मधेस पर्यटन प्रवद्धन सम्बन्धि अन्तरक्रिया कार्यक्रमलाई सम्बोधन गर्दै नगर प्रमुख साहले शहीद पत्रकार सिंहको नाममा पाँच लाखको अक्षय कोषको घोषणा गरेका हुन् ।

नगर प्रमुख साहले पत्रकार उमालाई कर्मवीर योद्धा’ रहेको उल्लेख गर्दै पत्रकारिता क्षेत्रमा न्याय र समानताका लागि स्वतन्त्र तथा निष्पक्ष रुपमा सबैलाई कलम चलाउन सुझाए । आउदो वर्षदेखि विभिन्न संस्थामा आबद्ध पत्रकारलाई न्याय र समानताका लागि कलम चलाए वापत सम्मानित गर्ने प्रतिबद्धता जनाए ।

स्वतन्त्र र निष्पक्ष पत्रकारिता गर्दै गरेको उल्लेख गर्दै उमा सिंहले वीरताको रुपमा धरती त्यागेको मेयर साहले सम्झे । जनकपुर टुडे मिडिया हाउसमा कार्यरत सिंह समाचार वाचन गरी साँझ डेरामा पुगेपछि दश वर्ष अगाडी हत्या भएको थियो । प्रहरीको अनुसन्धान पश्चात उनको आफ्नै भाउजु ललिता सिंहले अपराधिक समूहबाट हत्या गराएकी थिइन् ।

उनी हत्यामा दोषी ठहर भई सजाय भुक्तानी गरी बाहिरि सकेका छन् ।महासंघले मनाए श्रद्धाञ्जली दश वर्ष अगाडी पुस २७ गते हत्या गरिएका सहिद पत्रकार उमा सिंहको ११ औँ स्मृति दिवस मनाइएको छ ।

आइतबार पत्रकारहरुको छाता संगठन नेपाल पत्रकार महासंघ धनुषा शाखाले सहिद पत्रकार सिंहको स्मृति दिवस मनाएका छन् । रेडियो टूडेमा कार्यरत पत्रकार सिंहको २०६५ पुस २७ गते जनकपुर–१४ रजौलस्थित डेरामा हतियार प्रहारगरी निर्ममतापूर्वक हत्या गरेका थिए ।कार्यक्रममा पत्रकारहरुसंग हुने गरेको अन्यायका लागि एकजुट हुनु पर्ने बताएका थिए ।

कार्यक्रममा नेपाल पत्रकार महासंघ धनुषा शाखाका पूर्व अध्यक्ष एवं प्रदेशसभा सदस्य रामअशिष यादव, पार्षद् विएम खनाल, पूर्व अध्यक्ष उमेश साह,माधव आचार्य, नेपाल पत्रकार महासंघ प्रदेश २ का सल्लाहकार विरेन्द्र रमण, प्रेस संगठन नेपाल धनुषाका संयोजक शैलेन्द्र महतो लगायतको उपस्थिति रहेको थियो।

कमेन्ट गर्नुहोस्
सम्बन्धित

जनकपुरधाम । मुख्यमन्त्री सरोजकुमार यादवले विश्वासको मत लिन डाकिएको मधेश प्रदेशसभा बैठकमा सत्तापक्ष र प्रतिपक्षी दलका सांसदहरुबीच चर्काचर्की भएको छ । सभामुख रामचन्द्र मण्डलले प्रदेशसभा बैठक सुरु गरेलगत्तै जनमत पार्टीका सांसदहरुले उठेर विरोध जनाए । सो क्रममा एमालेका सांसद दीपेन्द्र ठाकुर र जनमतका सांसद चन्दन सिंहबीच चर्काचर्की भएको हो । जनमतका सांसद सिंहले माघ ८ […]

काठमाडौं। अल नासेर ओभरसिजले दुईदेखि तीन लाख रुपैयाँसम्म लिएर कतारको इमदाद अलक्युबिदा कम्पनीमा पठाएका ५५ नेपाली कामदार भोकभोकै अलपत्र परेका छन् । जसमा महिलासमेत छन् । कम्पनीले तलब नदिनुका साथै खाने व्यवस्थासमेत नगर्दा उनीहरूको बिजोग भएको हो । उनीहरूलाई कम्पनीले ३ देखि ५ महिनासम्मको तलब दिएको छैन । दोहास्थित नेपाली दूतावासले खानाको व्यवस्था गर्न अल नासेर ओभरसिज र इमदाद […]

महोत्तरी। मधेस प्रदेशको प्राचीन मिथिला क्षेत्रमा आज श्रद्धापूर्वक वासन्ती छठ मनाइँदै छ । चैत शुक्ल चतुर्थीदेखि सप्तमीसम्म चार दिन विभिन्न विधिसाथ मनाइने पर्वको आज तेस्रो दिन व्रतालुले निराहार व्रत सुरु गरेका छन् । यसअघि गत शुक्रबार चैत शुक्ल चौथी (चतुर्थी)का दिन ‘नहाय–खाय’ (पवित्र स्नान गरेर शुद्ध खाने) विधिबाट पर्व प्रारम्भ गरेका व्रतालुले हिजो शनिबार पञ्चमी […]