०९ बैशाख २०८१, आइतबार
21-04-2024 , Sun
×

यादवको समर्थनमा हजारों जनता सडकमा

Logo
प्रकाशित सोमबार, पुष २८, २०७६

न्यूजमधेश समाचारदाता
जनकपुरधाम,२८ पुस।गत पुस २३ गते बुधवार जिल्ला प्रहरी कार्यालय सर्लाही द्वारा पक्राउ गरिएको सर्लाहीका रामबाबु राय यादवको समर्थनमा रिहाइको मांग गर्दै पौष २७ गते आइतवार हजारोंको संख्यामा उंहाको शुभचिन्तक, नागरिक समाज र सर्वसधाहरण बरहथवामा प्रदर्शन गरेका छन् ।

बरहथवा नगरपालिका लगायत आसपासका १०-१२ गाउँका हजारोंको संख्यामा सर्वसाधाहरण आ-आफ्नो गाउँको नाम बैनरमा राखी प्रदर्शनमा उपस्थित भएका थिए । विपक्षीहरुले आफ्नो नेता रामबाबुको लोकप्रियता बाट भयभित भएर उनका राजनीतिक चरित्र हत्या गर्ने उद्देश्यको साथ रामबाबु यादवलाई ठुलो षड्यन्त्र रचेर फसांएको आरोप प्रदर्शनमा सहभागीहरुले बताए ।

रामबाबुको भाई लालबाबुले उनका दाजु लेनदेन धेरै पहिला देखि गर्दै आएको तर कसैसंग बेइमानी नगरेको बताए । “बैंकले धनी र व्यापारीलाई मात्र चिन्ह छ, गरिवलाई चाहिएको बेला पैसा ऋण दिने गाउँका साहुहरू नै हुन्, मेरो दाजुसंग ऋण लिएर कयौंजना विदेशी रोजगारमा गएका छन्, केहि नहुनेले दाजु कै पैसा लिएर बरहथवामा व्यापार बढाएका छन्, विरामी वा कुनै इमर्जेन्सी परेको बेला आधी रातमा पनि दाजुले मद्दत गरेको कयौं उधाहरण छन्, ऋण लिने बेलामा खुट्टा-हात समात्ने तर तिर्नेबेला केहिजनको नियत बिग्रेको कारण र त्यस्ताहरु लाई केहि विपक्षी राजनीतिकर्मीले आफ्नो प्रभावमा पारी दाजुको राजनीतिक चरित्र हत्या गर्न विरोधमा खडा गरेको” गुनासो लालबाबुको थियो ।

कोणसभामा सम्बोधन गर्दै शिक्षक राम कैलाश यादवले रामबाबुको परिवार कै कारण सीतापुरमा स्थित विधालय जिल्लाको नमुना विधालय बन्न सफल भएको बताए । उक्त विधालयलाई रामबाबुको परिवारले दश कठ्ठा जग्गा र आर्थिक दान गरेका थिए जसको आजको दिन मुल्यांकन करिव दश करोड़ भन्दा पनि बढी रहेको छ । रामबाबु यादव अध्यक्ष रहेको बेला उक्त विधालय सबैभन्दा बढी विकास गरेको भनाई राम कैलाशको थियो ।

रामबाबु यादवको श्रीमती उर्मिला यादवले श्रीमानलाई प्रहरीले झुठो मुद्दामा फंसाएको आरोप लगाए । यदि मेरो श्रीमानले कसैसंग बेइमानी गरेको वा कसैलाई ठगेको छ भन्ने त्यसको अनुसंधान हुनुपर्छ र हामी अनुसंधानमा पूर्ण सहयोग गर्नेछौं तर अदालतको फैसला अगाडी नै केहि मेडियामा मेरो श्रीमानको चरित्र हत्या गर्ने खालका समाचार पढेर हामी सम्पूर्ण परिवार स्तम्भ र दुखी रहेका भनाई श्रीमती उर्मिलाको रहेको छ ।

राजनीतिक चरित्र हत्या गर्न पाइंदैन, बिना शर्त रिहाइ गर, गरिवको सहारा र हाम्रो नेता रामबाबु यादवको तुरन्त रिहाइ गर, शिक्षाप्रेमी रामबाबु यादव माथि झुठो मुद्दा लगाउन पाइंदैन आदि नाराहरु प्लेकार्डमा लेखि वृद्ध, महिला, युवा, नागरिक समाज, व्यापारी, प्रबुद्ध वर्ग, विभिन्न पार्टीक नेता-कार्यकर्ता आदि प्रदर्शनमा उपस्थित थिए ।

रामबाबु यादव राजपाका केन्द्रिय सदस्य पनि हुन् । तुरन्त रामबाबुलाई निशर्त रिहाइ नगरिए हामी डेलिगेसन लिएर काठमाडौँ पनि पुग्छौं र यसको असर राष्ट्रियसभा चुनावमा पर्न सक्ने राजपाका एकजना जिल्ला नेताले बताए ।

कमेन्ट गर्नुहोस्
सम्बन्धित

जनकपुरधाम । मधेश प्रदेशका भूमि व्यवस्था, कृषि तथा सहकारी मन्त्री गोविन्दबहादुर न्यौपानेले मधेशमा रहेका मुक्त हरवाचरवाहरूलाई उद्यमशील बनाउने नीति तथा कार्यक्रम आवश्यक रहेका बताउनुभएको छ । राष्ट्रिय हरवाचरवा अधिकार मञ्चको तेस्रो राष्ट्रिय सम्मेलनको शुक्रबार जनकपुरधाममा उद्घाटन गर्नुहुँदै मन्त्री न्यौपानेले हरवाचरवाको आवश्यकता पहिचान गरी दीर्घकालीन समस्या समाधान हुने गरी उद्यमशीलतामा जोड दिनुपर्ने बताउनुभयो । “तपाईहरूले मुक्त […]

जनकपुरधाम । नेपाल विद्यार्थी संघले विद्यालय शिक्षाको गुणस्तर अभिवृद्धिको माग गर्दै धनुषासहित देशभरका स्थानीय तहमा ज्ञापन पत्र बुझाएको छ । आफ्नो ५५ औँ स्थापना दिवसमा नेविसंघले नेपालको आधारभूत र माध्यमिक तहसम्मको शिक्षाको गुणस्तर अभिवृद्धिको माग र सुधारका सुझाव सहितको ज्ञापन पत्र देशभरका स्थानीय तहमा बुझाएको हो । सो क्रममा धनुषाको कमला नगरपालिकामा नेविसंघका केन्द्रीय सदस्य […]

जनकपुरधाम । मुख्यमन्त्री सरोजकुमार यादवले विश्वासको मत लिन डाकिएको मधेश प्रदेशसभा बैठकमा सत्तापक्ष र प्रतिपक्षी दलका सांसदहरुबीच चर्काचर्की भएको छ । सभामुख रामचन्द्र मण्डलले प्रदेशसभा बैठक सुरु गरेलगत्तै जनमत पार्टीका सांसदहरुले उठेर विरोध जनाए । सो क्रममा एमालेका सांसद दीपेन्द्र ठाकुर र जनमतका सांसद चन्दन सिंहबीच चर्काचर्की भएको हो । जनमतका सांसद सिंहले माघ ८ […]