न्यूजमधेश समचारदाता
जनकपुरधाम, ३ माघ ।विभिन्न मुद्दाका ३१ जना फरार प्रतिवादीलाई धनुषा प्रहरीले एक महिनामै पक्राउ गरेको छ ।जिल्ला प्रहरी कार्यालय धनुषाले पुस ९ गते देखि माघ २ सम्म ३१ जना फरार प्रतिवादीलाई पक्राउ गरेको जनाएको हो ।
पुस मसान्तको १० गते सम्म ११ जना र माघ पहिलो सत्ताको २ गते सम्म २६ जना गरी ३१ जनालाई पक्राउ गरिएको प्रहरीको भनाई छ । पक्राउ परेका प्रतिवादीहरु अदालतबाट दोषी ठहर भई फरार भएर लुकिछिपि बसिरहेका थिए । प्रहरीले उनीहरुलाई गोप्य सुचनाको आधारमा पक्राउ गरिएको छ ।
पक्राउ परेका सबैलाई अदालतमा पेश गरिएको धनुषा प्रहरीले जनाएको छ ।
कर्तव्य ज्यान मुद्दाका ३, अपराधी प्रवेश १, लागुऔषध ३, विगो ४, चोरी २, केहि सार्वजनिक अपराध ३, कुटपिट ४, ठगी १, ज्यान मार्ने उद्योग २, अपहरण १ र सरकारी कागज किर्ते गरेका एक जनालाई पक्राउ गरिएको प्रहरीको भनाई छ ।
