०७ साउन २०८१, मंगलबार
23-07-2024 , Tue
×

यी हुन् हतियार देखाएरै खोला उत्खनन् गर्ने व्यक्ति

Logo
प्रकाशित शुक्रबार, माघ ०३, २०७६

न्यूजमधेश समचारदाता
जनकपुरधाम,३माघ।खोलाको दोहन गर्ने किसिमले उत्खनन् गरेपछि बिरोध गर्दा एक साताअघि मात्रै धनुषाको मिथिला नगरपालिका ५ श्रीनगर्का दिलिप महतो मारिएका छन् । उनको क्रसर व्यवसायीकै मिलोमतोमा हत्या भएको छ ।

उनको हत्यापछि हत्यारालाई कड कार्वाही, क्रसर उद्योगहरु बन्द गरिनुपर्ने, दिलिपलाई शहीद घोषणा गर्नुपर्नेसहितका मागहरु उठ्न थालेको छ । यो मागहरु पूरा नहुँदै एउटा यस्तो तथ्य बाहिर आएको छ, जसले नदी, खोलाको उत्खनन् गर्न हतियार समेतको प्रयोग भइरहेको छ धनुषामै ।

धनुषाको बटेश्वर गाउँपालिकामा भएको चित्रपुर खोलाको बालुवा, गिट्टी हतियार देखाएरै उत्खनन् गरिरहने एक व्यक्ति केहि महिना अगाडि मात्रै पक्राउ परेर हाल जलेश्वर कारागारमा छन् । हातहतियार तथा डकैति मुद्दामा पुर्पक्षका लागि कारागारमा थुनिएका ती व्यक्ति हुन् बटेश्वर गाउँपालिका वडा नम्बर १ का मनोज कुसवाहा ।

स्थानीय लक्ष्मी माविमा लेखाको काम गर्दै आएका उनी अधिकांस समय खोलामै दिन्थे उत्खनन्का निम्ति । २०७६ साल जेठ २५ गते हतियार देखाएरै स्थानीयलाई त्रसित बनाएर चित्रपुर खोला उत्खनन् गर्ने गरेका थिए । प्रहरीको टोलीले उनलाई हतियारसहित खोला उत्खनन् गरिरहेकै अवस्थामा नियन्त्रणमा लिएको थियो ।

बटेश्वर गाउँपालिका वडा नम्बर १ का अध्यक्ष शैलेन्द्र महतोले हतियारसहितै उनी उत्खनन् गर्दै आएकाले प्रहरीले पक्राउ गरेको बताए ।

आश्चर्यको कुरा त के छ भने कुसवाहाले बोक्ने गरेको पेस्तोलले डकैतिको घट्ना समेत गरिएको पाइएको छ ।

२०७५ साल साउन २५ गते मिथिला नगरपालिका ८ जमुनीबासस्थित चार जनाको घरमा डकैती हुँदा मनोजको साथबाट बरामद भएको हतियारले नै गोली फायर भएको देखिएको प्रहरीले जनाइसकेको छ ।

पुष्पलाल श्रेष्ठ, कृष्ण श्रेष्ठ, नवराज श्रेष्ठ र चन्द्रबहादुर श्रेष्ठको घरबाट लाखौंको डकैती भएको थियो । पेस्तोल, खुकुरी र लाठीसहित लुट्न आएका डाँकाहरुको समूहलाई समात्न खोज्दा डाँकाहरुले पुष्पलाल श्रेष्ठमाथि गोली चलाएर घाइते बनाएका थिए ।

श्रेष्ठमाथि प्रहार गरिएको गोलीको खोका केन्द्रीय प्रहरी विधि विज्ञान प्रयोगशालामा परीक्षण गराउँदा कुशवाहकै पेस्तोलबाट फायर भएको देखिएको प्रहरीको भनाइ छ ।

कमेन्ट गर्नुहोस्
सम्बन्धित

जनकपुरधाम ।मधेश प्रदेशका मुख्यमन्त्री सतिशकुमार सिँहले महोत्तरीको बर्दिवास नगरपालिकास्थित टुटेश्वरनाथ महादेव मन्दिरको पूर्वाधार विकास र प्रचारप्रसारबाट स्थानीय अर्थतन्त्र मजबुत बनाउन सकिने बताएका छन् । सोमबार बिहान साउनको पहिलो सोमबार टुटेश्वरनाथ महादेवको पूजाअर्चनापछि मुख्यमन्त्री सिँहले मन्दिरमा आन्तरिक पर्यटकको आगमन तीव्रताका साथ बढाउन सकिए स्थानीय अर्थतन्त्र मजबुत भएर त्यसक्षेत्रका बासिन्दाको जीविकोपार्जनमा सघाउ पुग्ने उल्लेख गरे । उनले […]

जनकपुरधाम । मधेस प्रदेशका मुख्यमन्त्री सतिसकुमार सिंहले आइतबार मुख्यमन्त्रीको कार्यालयसहित ११ वटा मन्त्रालयको छड्के निरीक्षण गरेका छन् । प्रदेश सरकारको कार्यालयमा कर्मचारीहरूको लापरबाही बढेको गुनासो आएपछि मुख्यमन्त्री सिंहले बिहान मुख्यमन्त्रीको कार्यालयसहित ११ वटा मन्त्रालयको अनुगमन गरेका हुन् । निरीक्षण तथा अनुगमनको क्रममा मुख्यमन्त्री सिंहले अधिकांश कर्मचारीहरूमा धेरै लापरबाही रहेको पाइएको बताए । उनले कर्मचारीहरूमा खासगरी […]

सिरहा : सिरहाको औरही गाउँपालिकामा व्यापक भ्रष्टाचार भएको तथ्य बाहिरिएको छ। आ.व.२०७९/८० मा औरही गाउँपालिकाले संचालन गरेको योजनाहरुको गोप्य सुचना गरि ०.३५ प्रतिशत बिलो भन्दा कम बिलोमा नै ठेक्काहरु समझौता गरेको पाइएको छ। कमिसनको बार्गेनिङ गर्ने र अग्रिम कमिसन लिएर मिलोमतोमा त्यस्ता गतिविधि भैरहेको छ। त्यसरी गैरकानुनी रुपमा ठेक्का लगाउने र अबैध रुपमा आर्थिक लाभ […]