न्यूजमधेश समाचारदाता
जनकपुरधाम,४ माघ।आसमान नेपाल नामको गैर सरकारी संस्थाले आफ्नै आपत्कालिन कोषको स्थापना गरेको छ । जनकपुरलाई केन्द्र बनाएर तराईसमेत नेपालका विभिन्न जिल्लामा शाखा विस्तार गरी शिक्षा, स्वास्थ्य, बाल संरक्षण, सुशासन र विपद् व्यवस्थापनका लागि काम गर्ने गैर सरकारी संस्था आसमान नेपालले आपत्कालिन कोष स्थापना गरेका छन् ।
प्रदेश २ का सबै तथा धादिङ र सल्यान लगायत जिल्लामा विभिन्नदातृ निकायसंग मिलेर काम गर्ने आसमानसंग करिब पाँच सय भन्दा बढी कर्मचारी आवद्ध छन् । ती सबै कर्मचारी, कार्य समितिका पदाधिकारी तथा सधारण सदस्यले पाँचदिन बराबरको तलब, सुविधा वापत आउने रकम जम्मा गरेर कोष स्थापना गरिएको आसमानका कार्यकारी निर्देशक नवलकिशोर यादवले जनाए ।
स्थापनासँगै कोषमा करिब आठ लाख भन्दा बढी रकम जम्मा भएको उल्लेख गर्दै उनले आर्थिक सहयोगको आधारमा सर्वसधारणलाई पनि जोड्ने नीति लिएको उनले बताए । भविष्यमा आइपर्ने आपत्कालिन अवस्थालाई मध्यनजरगरी स्थापना गरिएको कोषको संरक्षण तथा परिचालनको लागि स्थानीय, प्रदेश तथा संघीय सरकारसंग सहकार्य गरी अघि बढ्ने उनको भनाइ छ ।
नेपालमा थप १४० जना कोरोनाबाट निको भएर घर फर्के
नेपालमा कोरोना संक्रमितको संख्या २३ हजार ३१० पुग्यो
कमला नगरपालिका पनि भाद्र १ सम्म बन्द