०९ बैशाख २०८१, आइतबार
21-04-2024 , Sun
×

मधेस आन्दोलनका प्रथम सहिद रमेश महतोका परिवार बिचलीत

Logo
प्रकाशित आइतबार, माघ ०५, २०७६

न्यूजमधेश सम्बादाता
लहान,५ माघ।२०६३ को पहिलो मधेश आन्दालेनले धेरै मधेसी नेता जन्माए ।कतिलाई सत्ताको माथिल्लो तहसम्म पुर्याए । मधेस आन्दोलनका प्रथम सहिद रमेश कुमार महतोको परिवारको पीडामा कसैले मलम लगाएनन् ।

पहिलो मधेस आन्दोलन र प्रथम सहिद रमेश महतोको पर्यायबाची भएपनि उनको परिवारले छोराले पालेको सपनाको अनुभुति गर्न सकेको छैन । माघ ५ गते आइतबार पनि सिरहाको लहानस्थित सहिद चोकको शालिकको सरसफाई र रंगरोगन गरिएको छ । तर,लहानदेखि करिव १५ किलोमिटर दक्षिण रहेको उनको गाउँ नवराजपुर–३, मझौरामा सहिद रमेश महतोका बुबा ७४ वर्षिय रवि महतोलाई कुनै जानकारी छैन ।

शनिबार अपरान्ह सहिद महतोको घर पुग्दा उनका बुवा रवि महतो घर नजिकैको खेतबारीमा घुमिरहेका थिए ।पहिला नेताहरुले कार्यक्रमबारे खवर पठाउने, लिनलाई गाडी पठाउने गरेपनि दुई तीन वर्षदेखि कार्यक्रमबारे जानकारी गराउन पनि कन्जुस्याई गर्न थालेको बुवा रवि महतोले गुनासो गरे । हामीलाई नेताहरुले खोजेन भन्ने कुनै गुनासो छैन, हामी उनलाई(सहिद महतो) हरेक पल सम्झिरहन्छौं,उनले गरेको बलिदानीप्रति आजपनि मलाई उत्तिकै गर्व छ’ बुवा महतोले भने ।संघको सीमाब्कनकै मुद्दामा पाँच महिनाभन्दा लामो समयसम्म चलेको आन्दोलन भयो ।

आन्दोलनको मर्मअनुसार नै देश अहिले संघियतामा छ । संघियताको स्वाद निश्चित नेताहरुले मात्र लिईरहेको प्रति सहितका बुवाले दुःखेसो पोखे । उनले भने सहिदले संघियता देशको लागि

खोजेका थिए तर आज संघियता निश्चित नेताहरुले उपभोग गरिरहेका छन्, हामीजस्ता निमुखा जनता अझैपनि मर्कामै छौं । उनले मधेसवादी दलले उठाएको मुद्दा सहि भएपनि उनीहरुले सहिद परिवार, घाइतेका परिवार र जनतालाई विश्वासमा लिन नसकेको गुनासो गरे । उनले सहिद दिवसमा अव मलाई आधिकारीक सूचना नआएसम्म नजाने पनि बताए । उनले भने ,म घरमै रमेशको फोटोमा फूलमाला चढाउँछु । पार्टीले आधिकारीक सूचना नपठाएसम्म जान्न ।’संघियता, लोकतन्त्र र जनअधिकारका लागि सहिदले बलिदान गरेका भएपनि यतिका वर्ष बित्दा पनि मधेसमा स्थिरता नदेखिएको प्रति सहिद परिवार चिन्तित छ।

मधेशी दलका नेताहरुले आन्दोलनमा सहादत प्राप्त गरेको परिवारलाई ५० लाख नगद, नोकरी र शिक्षाको प्रबन्ध गर्ने भनाई सुनेकी सहिदकी आमा भगवतीले भनिन्, ।अब के होला रु सहिदका बुवा रविले भने,मधेसी जनताको अधिकार स्थापित गर्न एउटा छोराले सहादत प्राप्त गरे पनि हामीजस्ता धेरै छोराले तपाईंलाई सहारा दिन्छौं भनेका थिए,त्यसपछि कोही आएका छैनन् ।’हरेक वर्ष माघ ५ गते आयोजना हुने बलिदानी दिवसमा लहान पुगेर छोरा(रमेश) को प्रतिमामा माल्यार्पण गरी आँसुको भारी बिसाएर मन हल्का पार्ने गरेको रविले सुनाए ।

मधेस आन्दोलनपछि उदाएका दल पदका लागि विभाजित भएको सुनाउँदै उनले भने,।मधेसी नेताहरू आफैं लडाइँ गरेर फुटेको देख्दा मन दुख्छ ।’फुट र विभाजनले कसैको हित नगर्ने जनाउँदै रविले सबै मिले मात्र देश बलियो हुने बताए ।सबै मिले देश बलियो हुन्छ,मधेसी जनता अधिकार सम्पन्न हुन्छन’,उनले भने,भिनभिनाउज (अलग भएर)
देश चल्दैन ।’मधेस आन्दोलन र छोरा रमेशका विषयमा कुरा गर्दै गर्दा आमा रानो छोरो सम्झेर भकानिँदै थिइन् । अव हामी नेताहरुको पछि लागेर कतै जाँदैनौं, छोराले देशको निम्ति साहदत प्राप्त गरे, हामी उनलाई घरमै रहेको प्रतिमामा माल्यार्पण गरी सम्झन्छौं, र उनको मनोकामना पुराहोस्भ न्ने कामना गछौं ।

नेताहरुले दिनभरी घुमाएर माला र दोसल्ला ओढाएर पठाउँछन्, सहितका आमा रानोले भनिन् नेताहरुले हामीलाई दिएको भनेकै दोसल्लामा र माला हो,त्यसवाहेक केही पाएकै छैनौं । उनले छोराको प्रतिमा सधैं सुरक्षित रहोस् भन्ने चाहन्छिन् ।यहाँ परिवर्तनसँगै प्रतिमा भत्काउने चलन छ, त्यस्तो नहोस् । हामीलाई छोरो सम्झने र जीवन जिउने माध्यम त्यही हो ।’:-जनकपुर टुडे

कमेन्ट गर्नुहोस्
सम्बन्धित

जनकपुरधाम । मधेश प्रदेशका भूमि व्यवस्था, कृषि तथा सहकारी मन्त्री गोविन्दबहादुर न्यौपानेले मधेशमा रहेका मुक्त हरवाचरवाहरूलाई उद्यमशील बनाउने नीति तथा कार्यक्रम आवश्यक रहेका बताउनुभएको छ । राष्ट्रिय हरवाचरवा अधिकार मञ्चको तेस्रो राष्ट्रिय सम्मेलनको शुक्रबार जनकपुरधाममा उद्घाटन गर्नुहुँदै मन्त्री न्यौपानेले हरवाचरवाको आवश्यकता पहिचान गरी दीर्घकालीन समस्या समाधान हुने गरी उद्यमशीलतामा जोड दिनुपर्ने बताउनुभयो । “तपाईहरूले मुक्त […]

जनकपुरधाम । नेपाल विद्यार्थी संघले विद्यालय शिक्षाको गुणस्तर अभिवृद्धिको माग गर्दै धनुषासहित देशभरका स्थानीय तहमा ज्ञापन पत्र बुझाएको छ । आफ्नो ५५ औँ स्थापना दिवसमा नेविसंघले नेपालको आधारभूत र माध्यमिक तहसम्मको शिक्षाको गुणस्तर अभिवृद्धिको माग र सुधारका सुझाव सहितको ज्ञापन पत्र देशभरका स्थानीय तहमा बुझाएको हो । सो क्रममा धनुषाको कमला नगरपालिकामा नेविसंघका केन्द्रीय सदस्य […]

जनकपुरधाम । मुख्यमन्त्री सरोजकुमार यादवले विश्वासको मत लिन डाकिएको मधेश प्रदेशसभा बैठकमा सत्तापक्ष र प्रतिपक्षी दलका सांसदहरुबीच चर्काचर्की भएको छ । सभामुख रामचन्द्र मण्डलले प्रदेशसभा बैठक सुरु गरेलगत्तै जनमत पार्टीका सांसदहरुले उठेर विरोध जनाए । सो क्रममा एमालेका सांसद दीपेन्द्र ठाकुर र जनमतका सांसद चन्दन सिंहबीच चर्काचर्की भएको हो । जनमतका सांसद सिंहले माघ ८ […]