न्यूजमधेश सम्बादाता
जनकपुरधाम,५ माघ।युवा व्यवसायी महाबीर सुल्तानियाको शनिवार बिहान उपचारको क्रममा मृत्यु भएको छ ।५१ वर्षिय सुल्तानियाको भारतको राजधानी नयाँदिल्लीमा उपचारको क्रममा मृत्यु भएको हो ।
उनी गत आइतवारदेखि बिरामी भएका थिए ।उपचारका लागि काठमाण्डुको ओम नर्सिग होममा भर्ना भएका सुल्तानियाको रोग पत्ता लाग्न नसकेपछि दिल्ली रेफर गरिएको थियो ।एयर एम्बुलेन्सबाट दिल्ली पुगेका सुल्तानियाको निधन भएको हो ।उत्तर प्रदेशको बनारसमा उनको अन्त्येष्टि गरिएको छ ।
उनी जनकपुरधामको शिवचोकस्थित आफ्नै घरमा हेलो इन सञ्चालनगर्दै आएका सूल्तानिया जानकी फाइनान्स कम्पनीको सधारण शेयरहोल्डर तर्फबाट सञ्चालक समितिमा थिए ।
उनको एक छोरा, श्रीमती, आमा, भाउजु र दुई जना भतिजा छन् ।
महाबीर सुल्तानिया जनकपुर टुडे पत्रिका सञ्चालन र व्यवस्थापनमा सकृय सहयोग गर्ने सिमित व्यक्तिहरु मध्येका एक थिए ।उनको सयोगबिना जनकपुर टुडेको डमी अंकको प्रकाशन संभव थिएन् ।
सुल्तानियाको निधनप्रति जनकपुर टुडे मिडिया ग्रुपले दुख व्यक्तगर्दै उनको आत्माको चीरशान्तिका लागि कामना गरेको छ ।दुखको घडीमा शोकाकुल परिवारजनप्रति हार्दिक समवेदना प्रकट गरेको छ ।
