न्यूजमधेश सम्बादाता
जनकपुरधाम,५ माघ। जनकपुरधामबाट दुई जना पेस्तोलसहित पक्राउ परेका छन्।शनिबार जनकपुरधाम उपमहानगरपालिका १ भानु चोकमा दुर्घटनामा परेको कारलाई चेकजाँच गर्दा पेस्तोल बरामद भएपछि दुई जनालाई प्रहरीले नियन्त्रणमा लिएको हो ।
पक्राउ पर्नेमा क्षिरेश्वरनाथ नगरपालिका १ रमदैयाका ४० वर्षीय जितेन्द्र कुमार यादब र सोही नगरपालिका ५ महेन्द्रनगरका कुमोदनारायण झा छन् । उनीहरु सवार बा. १४ च. ७४५९ नम्बरको कारले ज. ९ प. ४८०६ नम्बरको मोटरसाइकलमा ठक्कर दिएको थियो । त्यसपछि प्रहरीले कारलाई चेकजाँच गर्दा राउण्ड गोलीसहित पेस्तोल बरामद भएको प्रहरीले जनाएको छ ।
गाडीमा पेस्तोल राखेपछि गाडीधनी समेत रहेको यादब र सोही गाडीमा सवार झालाई नियन्त्रणमा लिएको डिएसपी कार्कीले जानकारी दिए । उनले गाडी पनि नियन्त्रणमा लिएको बताए । उनी दुवै जनामाथि अनुसन्धान तथा कारबाही प्रक्रिया अगाडी बढाएको उनको भनाई छ ।
