न्यूजमधेश सम्वादाता
बीरगंज,६ माघ।प्रदेश २ सरकारले यस पटकको बलिदानी दिवस बीरगंजमा आयोजना गरेको छ । २०६३ साल माघ ५ गते सिरहाको लहानमा रमेश महतोको मृत्यु भएपछि मधेश आन्दोलन शुरु भएको सम्झनामा प्रदेश सरकारले पछिल्लो बर्षदेखि बलिदानी दिवस मनाउन शुरु गरेको हो । प्रदेश सरकार बन्नुअघि मधेश केन्द्रीत दलहरुले यो दिवस मनाउँदै आएका थिए ।
प्रदेश सरकारले आईत्बार आयोजना गरेको बलिदानी दिवस कार्यक्रमलाई सम्बोधन गर्दै समाजवादी पार्टीका केन्द्रीय समिति अध्यक्ष उपेन्द्र यादवले मुलुकमा अर्काे जनआन्दोलनको आवश्यक्ता रहेको बताए । संविधान संशोधन गराएर बर्षाैदेखिको विभेद, उत्पीडन अन्त्य गराउन जनआन्दोलनको खाँचो रहेको उनले बताए ।
‘मुलुकमा अर्काे जनआन्दोलनको खाँचो छ’ अध्यक्ष यादवले भने, “मधेशले नै या जनआन्दोलनको नेतृत्व लिन्छ ।”
मधेशले जनआन्दोलनको नेतृत्व लिने र त्यसपछि जनता एकजुट भएपछि मुलुकमा परिवर्तन भएर छाड्ने उनको दावी छ ।
कार्यक्रममा प्रदेश २ का मुख्यमन्त्री लालबाबु राउतले मुलुकको संविधान अधुरो रहेको बताए । उनले मधेशी, आदिवासी, जनजाती, दलित, मुश्लिम लगायतकाले हालसम्म पनि अधिकार नपाएको बताउँदै संविधान संशोधनको आवश्यक्ता रहेको बताए ।
‘मुलुकमा संघीयता आएको छ तर त्यस अनुरु्रपको अधिकार प्रदेशलाइर्ए दिइएको छैन’ मुख्यमन्त्री राउतले भने, “अहिले पनि सबै अधिकार सिंहदरबारमै राखिएको छ ।”
मुख्यमन्त्री राउतले प्रदेश निर्माण भएपनि प्रदेशलाई कुनै किसिमको अधिकार नदिइएको गुनासो दोहो¥याए ।
प्रतिनिधी सभा सदस्य प्रदीप यादवले प्रदेशमा समाजवादी र राजपा गठबन्धनको सरकारलाई तोड्ने षड्यन्त्र भइरहेको भन्दै यसो भए जनताले कदापी माफ नगर्ने बताए ।
प्रदेशका भौतिक पूर्वाधार विकास मन्त्री जितेन्द्र सोनलले लोकतन्त्र, संघीयता खतरामा रहेकाले सचेत भएर अघि बढ्नुपर्नेमा जोड् दिए ।
प्रदेशका उद्योग, पर्यटन, वन तथा वातावरण मन्त्री रामनरेश राय यादवले मधेस आन्दोलनका एजेण्डा र सहिदका बलिदानीलाई बिर्सेर अघि बढे घातक हुने बताए ।
बीरगंजमा आयोजना गरिएको बलिदानी दिवसको कार्यक्रममा मधेस आन्दोलनमा शहीद भएका परिवारलाई दोसल्ला ओढाएर सम्मान गर्दै रु २५ हजारका दरले प्रदान गरिएको थियो ।
कार्यक्रममा मधेश आन्दोलनका सहयात्री समाजवादी पार्टीका अध्यक्ष उपेन्द्र यादव पुगेपनि राष्ट्रिय जनता पार्टी (राजपा) का कुनै शिर्षस्थ नेता आएनन् । राजपाको तर्फबाट प्रदेश २ का संसदीय दलका नेता एवं भौतिक पूर्वाधार विकास मन्त्री जितेन्द्र सोनल, सामाजिक विकास मन्त्री नवलकिशोर साह र उद्योग, पर्यटन, वन तथा वातावरण मन्त्री रामनरेश राय यादव सहभाभी भएका थिए ।
