०९ आश्विन २०८०, मंगलबार
26-09-2023 , Tue
×

बालिकामाथि बलात्कारको प्रयास, घटना दबाउनमा मेयरदेखी प्रहरीसम्मको संग्लता

Logo
प्रकाशित मंगलबार, माघ ०७, २०७६

न्यूजमधेश सम्बादाता
जनकपुरधाम,७ माघ।धनुषामा एक किशोरीमाथि बलात्कार गर्नेलाई बचाउन नगर प्रमुखदेखि प्रहरी अधिकारीसम्म लागेको खुलेको छ।

शहिदनगर नगरपालिका- ९ विर्ताकी एक १५ वर्षीया दलित किशोरी दिशा गर्न घरदेखि करिब डेढ किलोमिटर टाढा चोरामा पुगेकी थिइन्।

त्यही बेला शहिदनगर नगरपालिका(२ चोरा कोइलपुरका अकलम नदाफले समातेर प्रेम प्रस्ताव राखे। किशोरीले अस्वीकार गरिन्। त्यसपछि नदाफले जबरजस्ती करणीको प्रयास गरे। घटना शनिबार दिउँसो डेढ बजेको हो।

जबरजस्ती गर्न खोज्दा किशोरी कराउन थालिन्। किशोरी कराएर स्थानीय आएपछि नदाफ भाग्‍न सफल भए। प्रहरीका अनुसार उनको खुट्टा भाँचिएको छ।

भाग्‍ने क्रममा खुट्टा भाँचिएपछि नदाफका अभिभावकले उल्टै कुटपिट गरेको भन्दै इलाका प्रहरी कार्यालय यदुकोहामा खबर गरे। प्रहरीले विर्ताका लालकुमार सदालाई नियन्त्रणमा लियो।

किशोरीको घर पुगे पनि अभिभावक कोही नभएपछि प्रहरीलाई तत्कालै खबर गर्न सकिनन्। जब किशोरीकै छिमेकी लालकुमारलाई प्रहरीले नियन्त्रणमा लिए।

त्यसपछि घटनाको सत्य पत्ता लगाउन स्थानी जुटे। स्थानीयकै प्रयासमा बाहिरियो जर्वजस्ती करणी प्रयासको घटना। योसँगै नफादलाई जोगाउन घटनालाई मोडेर उल्टै लालकुमारलाई फसाउन लागेको रहस्य पनि खुल्यो।

पीडित किशोरीका बुवा वैदेशिक रोजगारका लागि साउदी अरेबियामा छन्। किशोरीलाई लिएर स्थानीयबासी प्रहरी कार्यालय यदुकोहा पुगे।

त्यहाँका इन्सपेक्टर दिपकबाबु केसीलाई घटनाबारे जानकारी गराएपछि लालकुमारलाई अभिभावकको जिम्मा लगाए। तर साँझ पुनः प्रहरी कार्यालयले उनलाई झिकायो। अहिले उनी प्रहरी नियन्त्रणमै छन्।

स्थानीय विनोद कुमार गोइत भन्छन्, ‘इन्सपेक्टर सा’बले सोधपुछ गरी किशोरीलाई घर पठाउनुभयो। तर उजुरी दर्ता गर्नुपर्छ पनि भन्‍नुभएन। हामीले अब जबरजस्ती करणी गर्नेलाई कारबाही हुन्छ सोचेर फर्कियौँ। तर उल्टै छाडिसकेका लालकुमारलाई पुनः नियन्त्रणमा लिएका छन्।’

इन्सपेक्टर केसीले छलफलका लागि बोलाएको बताउँदै घटनामा संलग्न ती युवकलाई कारबाहीका लागि उजुरी दर्ता गराउने बताए। तर खुट्टा भाँचेको आरोपमा लालकुमारलाई कारबाही गर्न प्रमुख उदय बरबरिया र वडाध्यक्ष जैसी भण्डारीले प्रहरीलाई दबाब दिन थालेका छन्।

स्थानीय विनोदले भने, ‘इन्सपेक्टर सा’बसँग लालकुमारलाई किन पुनः पक्राउ गरेको प्रश्‍न गरेँ। अनि उहाँले धेरै दबाब रहेको जवाफ फर्काउनुभयो।’

जबरजस्ती करणीको प्रयास गर्ने नदाफ नेकपाका कार्यकर्ता भएकोले त्यही पार्टीबाट निर्वाचित मेयर र वडाध्यक्षले प्रहरीलाई दबाब दिएको उनको भनाई छ।

इलाका प्रहरी कार्यालय यदुकोहाका इन्सपेक्टर केसीले खुट्टा भाँचेको भनेपछि लालकुमारलाई नियन्त्रणमा लिइएको बताए। उनले किशोरीले जबरजस्ती करणी प्रयास भएको जानकारी गराएको भन्दै सत्यतथ्य बुझिरहेको बताए। उनले भने, ‘पीडित किशोरी अहिले यहीँ छ। कुरा बुझ्दैछौँ।’

कमेन्ट गर्नुहोस्
सम्बन्धित

सिरहा । नेपाल प्रहरीको नारा छ – मुस्कानसहितको सेवा । तर, व्यवहारमा भने यो लागू भएको पाइँदैन । अन्यायमा परेका नागरिक प्रहरीमा पुग्छन् । प्रहरीले भने ढाँडस दिएर र नम्र व्यवहार गरेर सेवाग्राहीलाई आत्मबल दिनुको साटो प्रहरीले रुखो व्यवहार गर्ने, थर्काउने अनि पीडितलाई झन् पीडित बनाउने गरेको पाइन्छ । सेवाग्राहीसँग यस्तै हर्कत गर्छन् जिल्ला प्रहरी […]

काठमाडौँ । आन्दोलनमा रहेका शिक्षकहरूले आज सडकमा सुत्ने भएका छन् । हजारौँको संख्यामा आन्दोलनमा रहेका राहत शिक्षक, बालविकास शिक्षक, पेन्सन वञ्चित शिक्षक लगायतले आज दिउँसो सडकमै लम्पसार सुतेर आन्दोलन गर्ने भएका हुन् । राज्यले आफूहरूलाई लाश जस्तै बनाएको भन्दै उनीहरूले सांकेतिक रूपमा मुर्दा बनेर विरोध जनाउन लागेका हुन् । नेपाल राहत शिक्षक केन्द्रीय समितिका वरिष्ठ […]

जनकपुरधाम । राष्ट्रपति रामचन्द्र पौडेल आज बिहान जनकपुरधाम आइपुगेका छन् । उनले जानकी मन्दिरमा विशेष पूजापाठ गरेका छन् । जानकी मन्दिरका महन्त तपेशवर दासले उनलाई विशेष स्वागत गरेका थिए । पूजापश्चात् राष्ट्रपति पाैडेल प्रदेश प्रमुख हरिशंकर मिश्रले आयोजना गरेको चियापान कार्यक्रममा सहभागी भएका छन् । उनले जनकपुरधामको जिल्ला प्रहरी कार्यालयअगाडि निर्मित महेन्द्रनारायण निधि मिथिला सांस्कृतिक […]