०५ बैशाख २०८१, बुधबार
17-04-2024 , Wed
×

२० वर्ष मुनिका छोरीको विवाह नगर्न प्रदेशबासीसँग मन्त्री साहको आग्रह

Logo
प्रकाशित बुधबार, माघ ०८, २०७६

न्यूजमधेश सम्बादाता
जनकपुरधाम,८ माघ। प्रदेश २ का सामाजिक विकास मन्त्री नवलकिशोर साहले २० वर्ष मुनिका छोरीको विवाह नगर्न प्रदेशबासीसँग आग्रह गरेका छन्।

‘बेटी बचाऊ, बेटी पढाऊ’ अभियानअन्तर्गत जनकपुरधामको सकल भवन कन्या माध्यमिक विद्यालयका छात्रालाई व्याग र स्यानेटरी प्याड वितरण समारोहलाई सम्बोधन गर्दै मन्त्री साहले २० वर्ष मुनिका छोरीलाई विहे गरी मृत्युको मुखमा नपुर्‍याउन आग्रह गरेका हुन्। उनले सानै उमेरमा छोरीको विवाह गरी ठूलो पाप गरिरहेको कुरा सबैले बुझ्नुपर्ने बताए।

मन्त्री साहले अहिले प्रायः १५/१६ वर्षमै छोरीको विहे गर्ने चलन कायमै रहेकोप्रति दुःख व्यक्त गरे। उनले भने, ‘१५/१६ वर्षमा विहे गर्छन्। २० वर्षमा ३/४ छोरा-छोरी जन्माउँछन्। अनि २५ वर्षमा मृत्यु हुन्छ।’ उनले २० वर्ष कसरी पर्खिँदा भाग्ने डर हुने गरेको गुनासो धेरैले आफूसँग गर्ने गरेको बताए। मन्त्री साहले भने, ‘समाज सभ्य छ भने कसरी छोरी भाग्न सक्छन् ? यदि सानै उमेरमा भागेर विहे गर्दा आफ्नै हत्या गरिरहेको कुरा पनि छोरीले बुझ्नुपर्छ।’ उनले समाज सभ्य बनाउन पनि छोरीलाई पढाउनुपर्ने र प्रदेश सरकार त्यही सोचेर ‘बेटी बचाऊ, बेटी बढाऊ’ अभियान चलाएको पनि बताए।

विद्यालयमा नर्सको दरबन्दी

मन्त्री साहले यस विद्यालयमा प्राविधिक शिक्षा पठन पाठनको व्यवस्था गर्न २५ लाख बजेट विनियोजन गरेको जानकारी दिए। उनका अनुसार अगामी शैक्षिक सत्रबाट प्राविधिक शिक्षा पठन-पाठन सुरु हुन्छ। यस्तै विद्यालयमा अगामी फागुनदेखि एक जना नर्सको दरबन्दी कायम गरिने पनि मन्त्री साहले बताए। विद्यालयमा छात्रामा भइरहेका विभिन्न स्वास्थ्यका समस्या समाधानका लागि नर्सको दरबन्दी कायम गर्न लागेको उनको भनाई छ।

व्याग र स्यानेटरी प्याड वितरण

उक्त विद्यालयमा कक्षा ७ मा अध्ययनरत छात्रालाई व्याग र कक्षा ८ देखिमाथि कक्षामा अध्ययनरत छात्रालाई स्यानेटरी प्याड वितरण गरिएको छ। मन्त्री साह, जनकपुरधामका प्रमुख लालकिशोर साह, प्रदेश सांसद प्रमेश्वर साहले छात्रालाई व्याग र स्यानेटरी प्याड वितरण गरेका थिए।

कमेन्ट गर्नुहोस्
सम्बन्धित

जनकपुरधाम । मुख्यमन्त्री सरोजकुमार यादवले विश्वासको मत लिन डाकिएको मधेश प्रदेशसभा बैठकमा सत्तापक्ष र प्रतिपक्षी दलका सांसदहरुबीच चर्काचर्की भएको छ । सभामुख रामचन्द्र मण्डलले प्रदेशसभा बैठक सुरु गरेलगत्तै जनमत पार्टीका सांसदहरुले उठेर विरोध जनाए । सो क्रममा एमालेका सांसद दीपेन्द्र ठाकुर र जनमतका सांसद चन्दन सिंहबीच चर्काचर्की भएको हो । जनमतका सांसद सिंहले माघ ८ […]

काठमाडौं। अल नासेर ओभरसिजले दुईदेखि तीन लाख रुपैयाँसम्म लिएर कतारको इमदाद अलक्युबिदा कम्पनीमा पठाएका ५५ नेपाली कामदार भोकभोकै अलपत्र परेका छन् । जसमा महिलासमेत छन् । कम्पनीले तलब नदिनुका साथै खाने व्यवस्थासमेत नगर्दा उनीहरूको बिजोग भएको हो । उनीहरूलाई कम्पनीले ३ देखि ५ महिनासम्मको तलब दिएको छैन । दोहास्थित नेपाली दूतावासले खानाको व्यवस्था गर्न अल नासेर ओभरसिज र इमदाद […]

महोत्तरी। मधेस प्रदेशको प्राचीन मिथिला क्षेत्रमा आज श्रद्धापूर्वक वासन्ती छठ मनाइँदै छ । चैत शुक्ल चतुर्थीदेखि सप्तमीसम्म चार दिन विभिन्न विधिसाथ मनाइने पर्वको आज तेस्रो दिन व्रतालुले निराहार व्रत सुरु गरेका छन् । यसअघि गत शुक्रबार चैत शुक्ल चौथी (चतुर्थी)का दिन ‘नहाय–खाय’ (पवित्र स्नान गरेर शुद्ध खाने) विधिबाट पर्व प्रारम्भ गरेका व्रतालुले हिजो शनिबार पञ्चमी […]