न्यूजमधेश सम्बादाता
जनकपुरधाम,११ माघ।राष्ट्रिय जनता पार्टी नेपाल (राजपा) अध्यक्ष मण्डलका संयोजक राजेन्द्र महतोले देशमा वैकल्पिक शक्तिको आवश्यकता रहेको बताएका छन् ।शुक्रबार जनकपुरधाम जेसीजको ४७ औं पद हस्तान्तरण एवं पुरुस्कार वितरण कार्यक्रमलाई सम्बोधन गर्दै नेता महतोले देशमा वैकल्पिक शक्तिको आवश्यकता रहेको बताएका हुन् ।
देशमा काँग्रेस र क्मयूनिष्टको पार्टीले वर्षौदेखि सरकारको नेतृत्व गरे पनि जनताको अकांक्षा अनुरुप काम गर्न नसकेको भन्दै देशमा वैकल्पिक पार्टीको आवश्यकता रहेको उनले बताए । ‘देशका जनता निरास भएर विकल्पको खोजीमा छन् । विकल्पको खोजीमा देशका अधिकांश जनता छन्,’उनले भने, ‘किनभने मधेशीलाई मात्रै होईन अदिवासी, जनजाती, मुस्लिम र थारु लगायतको माग सम्बोधन भएको छैन् ।’
देशमा वैकल्पिक शक्तिको आवश्यकता रहेको र आँफूहरु त्यसको निर्माणमा लागेको उनको भनाई छ । काँग्रेस र क्मयूनिष्टको बराबरीमा अझ त्यो भन्दा बढी मजबुत वैकल्पिक शक्ति निर्माणको आवश्यकता उनले औल्याए । सरकारको विरोधी नरहेको भन्दै मधेशी जनताको माग सम्बोधन भए सरकारमा जाँन तयार रहेको उनले बताए ।
रेशम चौधरी र जनकपुरधामको राष्ट्रपति प्रकरण बारे बोल्दै अधिकारको आन्दोलन गर्नेलाई सरकारले जेलमा हाल्ने गरेको उनले बताए । मधेशीमाथि सरकारले पटक–पटक अत्याचार गरेको भन्दै मधेशी, थारुले आन्दोलन गर्दा जेल जाँने र प्रचण्डले १७ हजार मान्छेका हत्या गरेर प्रधानमन्त्री बनको उनले बताए ।
