२८ आषाढ २०८१, शुक्रबार
12-07-2024 , Fri
×

डा सीके राउतको विशाल आमसभा राजविराजमा हुने

Logo
प्रकाशित बुधबार, माघ १५, २०७६

न्यूजमधेश सम्बादाता
राजविराज ,१५ माघ। मधेश राजनीतिको केन्द्र मानिने सप्तरी सदरमुकाम राजविराजमा जनमत पार्टीले माघ १८ गते शनिवार शक्ति प्रदर्शनसहित विशाल आमसभा गर्ने तयारी गरेको छ । जनमत पार्टीको केन्द्रीय अध्यक्ष डा. सिके राउतको नेतृत्वमा शक्ति प्रदर्शनसहित विशाल आमसभाको तयारी गरिएको मंगलबार पार्टी कार्यालय राजविराजमा आयोजित पत्रकार सम्मेलनमा जानकारी गराइएको हो ।

डा.राउत सप्तरी जिल्लाकै निवासी हुन् । उनको घर सप्तरीको महदेवा गाउँपालिका–२ मा पर्छ । उनको गृह जिल्लासमेत भएकाले ठूलो संख्यामा जनता आउने दाबी गरिएको छ । स्वतन्त्र मधेश गठबन्धनमार्फत् निर्वाचन बहिष्कार र अलग देशको माग गर्दै आएका सिके राउतले सरकारसँग गत २४ फागुनमा ११ बुंदे सहमति गरेपछि पहिलो पटक गृहजिल्लामा आमसभा गर्न लागेका हुन् ।

त्यसकारण पनि ठुलो संख्यामा सहभागी हुने जनमत पार्टीले दावी गरेको छ । पत्रकार सम्मेलनमा पार्टीका बरिष्ठ नेतृत्व मण्डलका सदस्य एवं पुर्व मन्त्री अनिस अन्सारीले शक्ती प्रर्दशन र आमसभामा ५० हजार भन्दा बढी स्थानीय नेता तथा कार्यकर्ता र सर्वसाधारण सहभागी हुने दावी गरे ।

उनले आमसभा सफल बनाउन गाउँ–गाउँमा प्रचार प्रसार र जिल्लाका १८ वटै स्थानीय तहमा गठित समितिले काम गरिरहेको बताए ।जनमत पार्टीका जिल्ला इन्चार्ज सुरेन्द्र मधेशीले डा. राउतको गृहजिल्लामा पहिलो आमसभा हुने भएकोले जनतामा निकै उत्साह छाएको बताए । उनले आससभा सफल बनाउन गाउँ गाउँमा मोटरसाइकल -यालीमार्फत् समेत प्रचारात्मक अभियान चलाइएको जानकारी दिए ।

पार्टीका जिल्ला संयोजक चन्देश्वर मण्डल ‘किसान’ ले आमसभामा सहभागी हुन हजारौ जनता आउने भएकाले आमसभास्थल राजविराजस्थित राजरंगशालाको खेल मैदानमा तोकिएको जानकारी दिए । आमसभालाई डा.राउतका साथै पार्टीका वरिष्ठ नेताहरुले सम्बोधन गर्ने र अन्य सम्पूर्ण तयारी पूरा भएको पत्रकार सम्मेलनमा जानकारी गराइएको छ ।

कमेन्ट गर्नुहोस्
सम्बन्धित

सिरहा । सिरहा र सप्तरीको सिमानामा बग्ने बलान नदीको बस्तीमा पस्ने गरेको छ । चुरे मूल भएको यो नदीमा सर्रे, खुट्टी र मुतनी, झिझिर, चहकालगाएतका सानाठूला खोला मिसिन्छन् । वर्षातमा नदी आसपासका सिरहा र सप्तरीका कयौँ बस्ती डुबानमा पर्ने गरेका छन् । “जमिनको लालपुर्जा छ, तर जमिन छैन । दशकौँदेखि गरिखाने जमिन बाढीले बगायो”, लहान […]

जनकपुरधाम । मुख्यमन्त्री सतिशकुमार सिंहले बजेटमा भएको कमजोरीको उच्चस्तरीय छानबिन गर्ने प्रतिवद्धता जनाएपछि मधेश प्रदेशसभा बैठकको अवरोध हटेको छ । बिहीबार बसेको प्रदेशसभाको सुरुमै जसपा नेपालका प्रमुख सचेतक रामअशिष यादवले बजेटमा त्रुटि भएको स्वीकार गरिसकेकाले उक्त बजेटमाथि प्रदेशसभामा छलफल नगर्ने बताए । त्यसपछि जसपा नेपालका सांसदहरु उठेर संसद अवरोध गरे । सभामुख रामचन्द्र मण्डलले यो […]

काठमाडौं । जनमत पार्टीले प्रधानमन्त्री पुष्पकमल दाहाल ‘प्रचण्ड’लाई विश्वासको मत नदिने भएको छ । पार्टीको बैठकले प्रधानमन्त्री दाहाललाई विश्वासको मत नदिने निर्णय गरेको प्रवक्ता डा शरदसिंह यादवले बताए । प्रधानमन्त्री दाहालले भोलि प्रतिनिधिसभामा विश्वासको मत लिने कार्यसूची रहेको हो। जनमत पार्टीको प्रतिनिधिसभामा छ सांसद रहेको छ । जनमतले नेपाली कांग्रेस र नेपाल कम्युनिष्ट पार्टी (एमाले)बीच […]