न्यूजमधेश सम्बादाता
जनकपुरधाम,२०माघ।नेपाल नगरपालिका कर्मचारी एशोसिएसन जनकपुरधाम उपमाहानगरपालिका एकाई समितिले प्रशासनले सहमती उलंघन गरि कार्यवाही प्रक्रिया अगाडी बढाएको भन्दै आन्दोलनको घोषणा गरेको छ ।
एशोसीएसनका अध्यक्ष कृष्ण कुमार झाले जारी गरेको विज्ञप्तीमा गत पुस २२ गते केहि पत्रकारहरु उपमहानगरको कार्यालयको मेयरको कार्यकक्षमा जवरजस्ती प्रवेस गरेर मेयर तथा कर्मचारीहरुलाई हुलहुज्जतका साथै कुटपिट गरि घाइते बनाएको सम्वन्धमा चरणवद्ध आन्दोलन गरिरहदा जिल्ला प्रशासन कार्यालय धनुषामा भएको सर्वपक्षीय निर्णयले सम्झौता भएपछि आन्दोलनको कार्यक्रम स्थगित गरिएको थियो।
तर हाल एकतर्फीरुपमा प्रहरी प्रशासनले कार्यवाही प्रक्रिया अगाडी बढाएको हुदा घोर विरोध गर्दै सम्झौता अनुसार दोषीमाथि कारवाही नगरिए सम्म मंगलवार देखि आन्दोलनको कार्यक्रम पुनः सुरु गरिने विज्ञप्ती माफर्त जनाएको छ ।
घोषीत आन्दोलनको कार्यक्रम अनुसार मंगलवार र बुधवार विहान १० बजे देखि दिउसो २ बजे सम्म कलम बन्द गर्ने,माघ २३ गते सम्म माग पुरा नगरिए कार्यालय समय अबधीभर कलम वन्द गर्ने घोषणा गरेको छ ।
