न्यूजमधेश सम्बादाता
जनकपुरधाम,२१ माघ।तस्करीका लागि कुख्यात जनकपुर भन्सार कार्यालयका नायब सुब्बा अहमद राजा अन्सारी घुससहित पक्राउ परेका छन् । सोमबार राति जनकपुरधाम उपमहानगरपालिका–८ पिडारी चौकमा सेवाग्राहीसंग घुस लिइरहेको अवस्थामा उनलाई अख्तियार दुरुपयोग अनुसन्धान आयोगको प्रदेश २ को कार्यालय बर्दिवासले पक्राउ गरेकोछ ।
जनकपुर भन्सार कार्यालयका प्रमुख सुकेश्वर झाका मुख्य सहयोगी भनेर चिनिने सुब्बा अन्सारीले तस्करहरुसित रकम असुलीगर्दै आएका थिए ।स्रोतहरुका अनुसार प्रमुख झाकै निर्देशनमा अन्सारीले १ लाख ५० हजार घुस रकम ल्याउन पिडारी चोक पुगेका थिए ।विशेष सुचनाको अधारमा त्यहाँ रहेका अख्तियारको बर्दिवास टोलीले उनलाई पक्राउ गरेका हुन् ।
भारतबाट भन्सार छलेर मालसमानहरु भित्र्याउन सहज वातावरण बनाइदिन कार्यालय प्रमुख झाको निर्देशनमा घुस मागेको र त्यो लिन नै त्यहाँ पुगेका थिए ।
