न्यूजमधेश सम्बादाता
काठमाडौं,२३माघ।जारी शहीद स्मारक ए डिभिजन लिगमा मछिन्द्र क्लब शीर्ष स्थानमा उक्लिएको छ ।
बिहीबार सरस्वति युवा क्लब विरुद्ध ६–१ गोलको फराकिलो जित निकाल्दै मछिन्द्र शीर्ष स्थानमा उक्लिएको हो । पहिलो हाफमा १–० को अग्रता बनाएको मछिन्द्रले दोस्रो हाफमा ५ गोल थप्यो ।
मछिन्द्रका लागि दीपक राई, विशाल राई, देवेन्द्र तामाङ, सोमिडे ओलाउवाउन्मी र निय टाहोन्कुईले गोल गरे । दीपकले दुई गोल गरेका थिए ।
४०औं मिनेटमा गोल गरेका देवेन्द्रले गोल गर्दै मछिन्द्रलाई अग्रता दिलाएका थिए । ५४औं र ७७औं मिनेटमा दीपकले गोल गरे भने ५९औं मिनेटमा मछिन्द्रका लागि विशाल राईले गोल गरेका थिए ।
८७औँ मिनेटमा सरस्वतिका लागि कजिम बुसारीले गोल सान्त्वना गोल गरे । ४–१ को फराकिलो अग्रता निकालेको मछिन्द्रले थपिएको अतिरिक्त समयमा दुई गोल थप्यो ।
जितसँगै, मछिन्द्र लिगको शीर्ष स्थानमा उक्लिएको छ । मछिन्द्रले ११ खेलबाट २५ अंक जोडेको छ । गत सिजनमा अन्तिम दोस्रो भएकाले मछिन्द्रको एक अंक घटाइएको छ ।
लिगको अन्तिम स्थानमा रहेको सरस्वतिको भने यो नवौं हार हो । अहिलेसम्म सरस्वतिले ४ अंक मात्रै जोडेको छ ।
नेपाल–चीन सीमास्तम्भहरुको ‘जीपीएस कोर्डिनेट’ सार्वजनिक गर्न माग राख्दै धर्ना