न्यूजमधेश सम्बादाता
जनकपुरधाम,२७ माघ।प्रदेश २ को अस्थायी राजधानी जनकपुरमा सोमवारदेखि बेटी सम्मेलन हुने भएको छ । ‘आसनमा महिला, भाषणमा महिला र शासनमा महिला’ मुल नाराका साथ जनकपुरमा दोस्रो बेटी सम्मेलन हुन लागेको हो ।
मुलधार महिला सेवा केन्द्र उदयपुरको आयोजनामा सोमवार जनकपुरको मशाला कटेजमा सुरु हुने दोस्रो बेटी सम्मेलन तीन दिनसम्म चल्नेछ । सम्मेलनबारे जानकारी आईतवार साँझ पत्रकार सम्मेलन गरी केन्द्रकी अध्यक्ष नजवुल खानले जानकारी गराइन् ।
सम्मेलनको उद्घाटन प्रदेश २ का मुख्यमन्त्री लालबाबु राउतले गर्ने कार्यक्रम रहेको छ । केन्द्रकी अध्यक्ष खानले छोरीको हितका लागि योगदान पुर्याएका विभिन्न क्षेत्रका १५ जनालाई सम्मान गरिने जानकारी दिइन् । सम्मेलनमा मुख्यमन्त्री राउत, कानून मन्त्री ज्ञानेन्द्र यादब, मोडल तथा नेतृ पुष्पा यादब, बहादुर छोरी तथा एसिड पीडित मुस्कान खातुन सहितलाई सम्मान गरिनेछ ।
सम्मेलनमा छोरीहरुको शिक्षा, स्वास्थ्य, सहभागिता र आत्मानिर्भरताको मुद्दाहरुलाई उठान गरी सात वटै प्रदेशमा महिला अंकित स्तम्भ निर्माण गर्ने लक्ष्य रहेको केन्द्रकी अध्यक्ष खानले जानकारी दिइन् । उनले प्रदेश २ ले हरेक क्षेत्रमा महिलालाई ५० प्रतिशत आरक्षणको व्यवस्था गर्न लागेको जस्तै अन्य प्रदेशहरुले पनि गर्नुपर्ने माग गरिन् ।
राजश्व परामर्श समितिले काम थाल्यो