३१ आषाढ २०८१, सोमबार
15-07-2024 , Mon
×

मुश्लिम धर्माम्बलीको धार्मिक सभामा सरकारद्वारा रोक, सुरक्षाकर्मी परिचालन

Logo
प्रकाशित शुक्रबार, फाल्गुण ०२, २०७६

न्यूजमधेश सम्बादाता
सप्तरी,२ फाल्गुण।आगामी फागुन ३ देखि शुरु हुने भनिएको मुस्लिम समुदायको धार्मिक प्रवचन (आल्मी तब्लीगी इजेत्जतमा) अर्थात् मुश्लिम धार्मिक सभालाई स्थगित गर्न नेपाल सरकारले आदेश दिएको छ ।

सप्तरी जिल्लाको बोदे बर्साइन नगरपालिकास्थित जाँजर टोलमा आयोजना गर्न लागिएको मुश्लिम धार्मिक सभा नगर्न नपाल सरकार गृह मन्त्रालयले आदेश दिएको हो ।

गृह मन्त्रालयले बिहीबार जिल्ला प्रशासन कार्यालय सप्तरीलाई पत्राचार गरी कार्यक्रम स्थगित गर्न भनेको छ । गृह मन्त्रालयको जानकारी पश्चात कार्यक्रम स्थगित गर्न भनिएको सप्तरीका प्रमुख जिल्ला अधिकारी (सिडिओ) सुनिल खनालले बताए ।

खनालका अनुसार कार्यक्रम अगाडि नबढाउन आयोजक समितिलाई जानकारी दिइएको छ । ‘हामीले कार्यक्रमलाई अगाडि नबढाउन आयोजकलाई भनेका छौं’ सप्तरीका प्रमुख जिल्ला अधिकारी खनालले भने, “गृह मन्त्रालयले दिएको आदेश आयोजकलाई सुनाएका छौं ।”

प्रमुख जिल्ला अधिकारी खनालले नेपाल र भारतका मात्रै मुश्लिम धर्माम्बली बोलाउने जनाइएपनि विश्वको बिभिन्न देशबाट मुश्लिमहरु आएका कारण मन्त्रालयबाट यो कार्यक्रम गर्न नदिइन निर्देशन आएको बताए ।

गृह मन्त्रालयले कार्यक्रम स्थगन गर्ने आदेश दिएपछि सम्भावित दुर्घटना हुन नदिन प्रशासनले बोदे बर्साइन नगरपालिकाको जाँजरमा ठुलो संख्यामा प्रहरी खटाएको छ । दिउँसो ४ वजेदेखि नेपाल–भारत सिमा समेत सिल गरिएको एक प्रहरी अधिकारीले जानकारी दिए ।

कार्यक्रम स्थगित गरिएपछि प्रशासनले मुश्लिम समुदायका अगुवाहरुसँग वार्ता गरिरहेको बोदे बर्साईन नगरपालिका ५ का अध्यक्ष मो. मजिवुर रहमानले बताए ।

मुश्लिम समुदायले फागुन ३, ४ र ५ गतेका लागि बोदे बर्साइन नगरपालिका–५, जाँजरमा इज्तिमाको आयोजना गरेको थियो । तयारी पूरा भएपछि सरकारले कार्यक्रम स्थगित गरिएको भन्दै इज्तिमा व्यवस्थापन समितिका सचिव मो. हुसेनले बताएका छन् ।

कार्यक्रमका लागि करिब रु २ करोड खर्च खर्च भइसकेको मुश्लिम समुदायले जनाएको छ । करिब २ सय बिगाहा जग्गामा २१ लाख ६० हजार स्क्वायर फिटको पण्डाल र टहरा निर्माण गरिएको छ भने साना ठूला गरी करिव २ हजार शौचालय निर्माण छ ।

करिव १५÷२० हजार मानिस आईसकेपछि कार्यक्रम स्थगित गराईएको भन्दै व्यवस्थापन समितिका सचिव हुसेनले असन्तुष्टि जनाएका छन् । ‘हाम्रो विशुद्ध धार्मिक प्रवचन कार्यक्रम हो । सरकारलाई शंका लागेको विषयमा सुरक्षा निकाय खटाएर आफनो काम गर्न सकिन्थ्यो’ उनले भने, ‘तयारी गर्नु अघि नै अनुमति नदिएको भएपनि हुन्थ्यो ।’

यसअघि माघ ६ गते गृहमन्त्रालयले नै जिल्ला प्रशासन कार्यालय सप्तरीलाई पत्राचार गरी उक्त कार्यक्रमको सुरक्षा मिलाउन आदेश दिएको मुश्लिम धर्माम्बलीका अगुवाहरुको भनाई छ । मुस्लिम आयोगको समन्वय, निगरानी र सुपरिवेक्षणमा संचालन हुने र अन्य कुनै गैरकानुनी गतिविधि नहुने भएकोले कार्यक्रम सम्पन्न गर्नका लागि आवश्यक सुरक्षा व्यवस्था मिलाउन प्रशासनलाई निर्देशन गरिएको थियो ।

अन्तराष्ट्रिय स्तरको र हजारौंको संख्यामा कार्यक्रम आयोजना हुन लागेको जानकारीपछि सुरक्षाको गाम्भिर्यतालाई मध्यनजर गर्दै केही समय अघि पहिलो पटक कार्यक्रममा रोक लगाइएको थियो ।

प्रशासनले कार्यक्रम स्थगित गराएपछि मुस्लिम आयोगको पहलमा गृहमन्त्रालय मार्फत पुनः कार्यक्रमको अनुमति लिइए पनि राष्ट्रिय स्तरको कार्यक्रम गर्ने सहमतिमा दोश्रो पटक अनुमति लिईएको थियो ।

कमेन्ट गर्नुहोस्
सम्बन्धित

जनकपुरधाम । मधेस प्रदेश सरकारले आगामी आर्थिक वर्षका लागि विनियोजन गरेको बजेटका सम्बन्धमा उठेका सवाल छानबिनका लागि उच्चस्तरीय छानबिन समिति गठन गर्ने निर्णय भएको छ । मधेश प्रदेशसभाको आजको बैठकमा सभामुख रामचन्द्र मण्डलले बजेटका सम्बन्धमा उठेका सवालबारे आवश्यक छानबिन गर्न उच्चस्तरीय समिति गठन गर्ने निर्णय भएको बताए । उनले समितिको जिम्मेवारी निर्धारणका लागि मुख्यमन्त्री सतिशकुमार […]

काठमाडौँ । अविरल वर्षाका कारण देशका विभिन्न स्थानमा आएको बाढीपहिराका कारण हालसम्म एक सय आठ जनाको मृत्यु भएको छ । प्रहरी प्रधान कार्यालयका अनुसार अविरल वर्षाको कारण गत जेठ २८ गतेदेखि देशका विभिन्न स्थानमा आएको बाढीपहिरालगायत विपद्मा परी आज दिउँसोसम्म एक सय आठ जनाको मृत्यु भएको हो । मृत्यु हुनेमा काठमाडौँ उपत्यकामा दुई जना, कोशी […]

जलेश्वर । आर्थिक अनियमितताको आरोपमा निलम्बनमा परेका महोत्तरी सदरमुकाम जलेश्वर नगरपालिकाका प्रमुख सुरेश साह सोनारले मुद्दामा सफाइ पाएपछि आजदेखि पुनः कार्यभार सम्हालेका छन् । उनीसहित उपप्रमुख रौशन खातुन, वडा नं १ का वडाअध्यक्ष अनिलकुमार झा, कार्यपालिका सदस्य सोगरा खातुन, तत्कालीन प्रमुख प्रशासकीय अधिकृत मित्रलाल ढकाल र अधिकृत धिरेन्द्र झाले पनि सफाइ पाएपछि आजैदेखि कार्यभार सम्हालेका […]