०५ बैशाख २०८१, बुधबार
17-04-2024 , Wed
×

सकियो मुश्लिम धार्मिक सम्मेलन, तीन जनाको मृत्यु

Logo
प्रकाशित मंगलबार, फाल्गुण ०६, २०७६

न्यूजमधेश सम्बादाता
राजविराज,६ फाल्गुण।सप्तरी जीलाको बोदे बरसाईन नगरपालिकामा संचालन गरिएको धार्मिक मुश्लिम सभा सोमबार सम्पन्न भएको छ ।

सम्मेलनमा नेपाल र भारतबाट आएका १५ लाखभन्दा बढी मुसलमानले एकसाथ नवाज पढेका छन् । उनीहरुले शान्तिका निम्ति प्रार्थना समेत गरेको आयोजकले जनाएको छ ।

सम्मेलनमा मौलाना हजरत साद साहेबले प्रवचन दिएका थिए । भारतको दिल्लीबाट आएका उनी विश्व जमातका अध्यक्ष हुन् । उनको प्रवचन सुन्न र आशिर्वाद थाप्न सहभागीहरु उल्लेख्य संख्यामा आएका थिए ।

धर्मिक सभा सकिए लगत्तै सोमबार सप्तरीका अधिकांस सडकमा ट्राफिक जाम भएको थियो । सहभागीहरु आएको बस, जीप, ट्याक्टरसहितका सबारीसाधन आ–आफ्नो गन्तव्यतर्फ जान लाग्दा सबै सडकमा भिंड देखिएको थियो । सप्तरी खण्डको पूर्व पश्चिम राजमार्गमा समेत अत्यधिक भींड हुँदा सबारीसाधनलाई चल्न समस्या भएको थियो ।

शनिबारदेखि प्रारम्भ भएको धार्मिक सभा खड्ग नदीको किनारमा आयोजना गरिएको थियो । दुई देशबाहेकका देशबाट समेत सहभागीलाई बोलाइएको भन्दै गृहमन्त्रालयले बिहीबार सभा संचानमा रोक लगाएको थियो । तर, आयोजकले उनीहरुलाई पठाइदिने बताएपछि सरकारले पुनः संचालन गर्न अनुमति दिएको थियो ।

सभामा पाकिस्तान, कुवेत, साउदी अरब, बंगलादेशसहितका देशबाट समेत सहभागी आएका थिए ।

यसैबीच आयोजना गरिएको इस्लामिक धार्मिक सम्मेलनमा सहभागी हुन आएकामध्ये तीन जनाको मृत्यु भएको छ । दुई जना भारतीयको र एक जना नेपाली मुसलमानको हृदयघात भएर मृत्यु भएको छ ।

सप्तरी प्रहरीका अनुसार भारतको बिहारका दुई जनाको हृदयघात भएर मृत्यु भएको छ । बिहारको मोतिहारीका ७४ वर्षीय हारुन रसिक, बिहारकै भुतहा बेतीयाका ६२ वर्षीय नेक मोहम्दको मृत्यु भएको छ ।

यस्तै, सप्तरीकै खड्ग नगरपालिकाका एक व्यक्तिको समेत मृत्यु भएको छ । उनको नाम खुल्न सकेको छैन् ।

कमेन्ट गर्नुहोस्
सम्बन्धित

जनकपुरधाम । मुख्यमन्त्री सरोजकुमार यादवले विश्वासको मत लिन डाकिएको मधेश प्रदेशसभा बैठकमा सत्तापक्ष र प्रतिपक्षी दलका सांसदहरुबीच चर्काचर्की भएको छ । सभामुख रामचन्द्र मण्डलले प्रदेशसभा बैठक सुरु गरेलगत्तै जनमत पार्टीका सांसदहरुले उठेर विरोध जनाए । सो क्रममा एमालेका सांसद दीपेन्द्र ठाकुर र जनमतका सांसद चन्दन सिंहबीच चर्काचर्की भएको हो । जनमतका सांसद सिंहले माघ ८ […]

काठमाडौं। अल नासेर ओभरसिजले दुईदेखि तीन लाख रुपैयाँसम्म लिएर कतारको इमदाद अलक्युबिदा कम्पनीमा पठाएका ५५ नेपाली कामदार भोकभोकै अलपत्र परेका छन् । जसमा महिलासमेत छन् । कम्पनीले तलब नदिनुका साथै खाने व्यवस्थासमेत नगर्दा उनीहरूको बिजोग भएको हो । उनीहरूलाई कम्पनीले ३ देखि ५ महिनासम्मको तलब दिएको छैन । दोहास्थित नेपाली दूतावासले खानाको व्यवस्था गर्न अल नासेर ओभरसिज र इमदाद […]

महोत्तरी। मधेस प्रदेशको प्राचीन मिथिला क्षेत्रमा आज श्रद्धापूर्वक वासन्ती छठ मनाइँदै छ । चैत शुक्ल चतुर्थीदेखि सप्तमीसम्म चार दिन विभिन्न विधिसाथ मनाइने पर्वको आज तेस्रो दिन व्रतालुले निराहार व्रत सुरु गरेका छन् । यसअघि गत शुक्रबार चैत शुक्ल चौथी (चतुर्थी)का दिन ‘नहाय–खाय’ (पवित्र स्नान गरेर शुद्ध खाने) विधिबाट पर्व प्रारम्भ गरेका व्रतालुले हिजो शनिबार पञ्चमी […]