न्यूजमधेश सम्बादाता
सिरहा,६ फाल्गुण। इलाका प्रहरी कार्यालय गोलबजारले लागु पदार्थ ब्राउन सुगर सहित दुई युवालाई पक्राउ गरेको छ।गोलबजार नगरपालीका ७ चोहर्वाबाट प्रहरीले करिव ३० पोकाका ३ ग्राम ब्राउनसुगर सहित कारोवारी २५ वर्षिय कृष्ण यादवलाई घरैबाट सोमबार नियन्त्रणमा लिएको हो।
विशेष सुराकीको आधारमा पुगेका प्रहरी टोलीले यादवको घरबाटै यादव र सोही ठाउँका २० वर्षिय प्रवेश महतोलाई पनि नियन्त्रणमा लिएको छ।प्रहरीले उनीहरुलाई आजै जिल्ला अदालत सिरहाबाट म्याद थप गरी अनुसन्धान जारी राखेको इलाका प्रहरी कार्यालय गोलबजारका प्रमुख इन्सपेक्टर जनक पुरीले जानकारी दिए।
प्रहरीले उनीहरुको साथबाट १५ हजार ९ सय ७५ रुपैयाँ नगद सहित विभिन्न ब्राण्डका ७ वटा मोवाइलपनि बरामद गरेको छ।गोलबजार प्रहरीलेमात्रै चालु आर्थिक वर्ष ०७६÷७७ मा ब्राउन सुगरका १४ मुदामा ३१ ज्नामाथि मुद्दा चलाएको छ।उनीहरुको साथबाट २६ ग्राम २ सय ५५ मिलि ग्राम ब्राउसुगर बरामद गरेको छ ।
