१३ आश्विन २०८०, शनिबार
30-09-2023 , Sat
×

कृषिकको उर्वर क्षेत्रमा सिँचाइ भएपछि कृषक रमाए

Logo
प्रकाशित बुधबार, फाल्गुण ०७, २०७६

न्यूजमधेश सम्बादाता
परासी,७ फाल्गुण। पश्चिम नवलपरासीको सरावल गाउँपालिका–३ श्रीनगरस्थित पिडुराखोलामा सिँचाइ सुविधाका लागि पक्की बाँध निर्माण गरिएको छ । तराई–मधेश समृद्धि कार्यक्रम र सरावल गाउँपालिकाको संयुक्त लगानीमा सिँचाइका लागि बाँध निर्माण भएपछि वर्षौँदेखि सिँचाइको समस्या भोग्दै आएका स्थानीय कृषकमा खुशीयाली छाएको छ ।

सरावल गाउँपालिकाको पिपरा, महुवा, कोठिलवा, श्रीनगर, गोइनी, सरावल तथा रामग्राम नगरपालिकाको देवगाव, फूलबारीलगायत गाउँका सयौँ कृषक लाभावन्ति हुने गाउँपालिका अध्यक्ष राधेश्याम चौधरीले जानकारी दिनुभयो ।

उहाँले भन्नुभयो, “सिँचाइका लागि धेरै समस्या थियो, सिँचाइ सुविधा कठिनाइ हुँदा कृषि उत्पादन निकै कम छ, कच्ची बाँध बनाउँदा पानीले बगाएर समस्या आउने गथ्र्यो, अब पक्की बाँध नै निमार्ण भएको छ, यसै महिनामा निर्माणकार्य पूर्ण सम्पन्न भएपछि सिँचाइका लागि सहज हुनेछ”, सो कार्यक्रमबाट रु २५ लाख, गाउँपालिकाबाट रु २० लाख र जनश्रमदान चार लाख ९४ हजार १५४ गरी रु ४९ लाख ९४ हजार १५४ को लागतमा बाँध निर्माण गरिएको होे ।

यसअघि स्थानीय कृषकले खोलामा माटोको कच्ची बाँध निर्माण गर्दै सिँचाइको प्रयास गरे पनि पटक–पटक भत्किने समस्याले कृषकलाई असुविधा भइरहेको थियो । सिँचाइ पर्याप्त नहुँदा कृषि उब्जनीको उत्पादन कम रहेको थियो । “पानीको समस्याका कारण कृषकले समयमा खेती गर्न पाएका छैनन्, चापाकल, बोरिङको पानी पनि सुक्ने समस्या छ, आकाशे पानीमा भर पर्नुपर्ने अवस्था छ”, अध्यक्ष चौधरीले भन्नुभयो । बाँध निर्माण भएपछि पानी रिचार्ज हुने, उत्पादन वृद्धि हुने तथा माछापालनसमेत गर्न सकिने गाउँपालिकाले जनाएको छ ।

सिँचाइको दिगो व्यवस्थापन हुने भन्दै कृषकमा उत्साह थपिएको उपभोक्ता समितिका अध्यक्ष दीपकप्रसाद चौधरीले जानकारी दिनुभयो । बाँध निर्माण भएपछि अब बाह्रै महिना सिँचाइ सुविधा पुग्ने र व्यवस्थित खेती गर्न सहज हुने छ । “सिँचाइको सुविधाले बाँझो र सुक्खा अवस्थामा रहेका जमिनमा तरकारी, अन्नबाली प्रशस्त उब्जाउ गर्न सहज हुन्छ, अब कृषि उपजको उत्पादन पनि बढ्नेछ, यसले गर्दा यहाँका कृषकमा उत्साह थपिएको छ”, उहाँले भन्नुभयो ।

बाँध निर्माण भएपछि अब खेती गर्न सहज हुनुका साथै उत्पादन वृद्धि हुने स्थानीय कृषक हरिलाल यादवले बताउनुभयो । सरावल गाउँपालिका कृषिकको उर्वर क्षेत्र हो । गाउँपालिकाले कृषिलाई उच्च प्राथमिकतामा राखी बजेट तथा कार्यक्रम तर्जुमा गरेको प्रमुख प्रशासकीय अधिकृत बुद्धप्रकाश पौडेलले बताउनुभयो ।

कमेन्ट गर्नुहोस्
सम्बन्धित

काठमाडौं । संघीय मामिला तथा सामान्य प्रशासन मन्त्रालयले सरुवा भएका कर्मचारीलाई तुरुन्त रमाना दिन निर्देशन दिएको छ । रमाना भएर जानुपर्ने धेरै कर्मचारीले हालसम्म पनि रमाना नलिएका कारण सार्वजनिक सेवा प्रवाहमा प्रत्यक्ष असर परेको भन्दै मन्त्रालयले मन्त्रालय, आयोग, सचिवालय, कार्यालय, प्रदेश र स्थानीय तहलाई रामाना दिन निर्देशन दिएको हो । मन्त्रालयले नियम बमोजिम सरुवा, पदस्थापन, […]

काठमाडौं । लोकतान्त्रिक समाजवादी पार्टीका महासचिव जासर यादव विरुद्ध बैङ्किङ कसुरमा मुद्दा परेको छ । महासचिव यादव विरुद्ध कैलास महतो मुद्दा दर्ता गराएका हुन् । महतोले उनी विरुद्ध जिल्ला अदालत महोत्तरीमा मुद्दा दर्ता गराएका हुन् । उनी विरुद्ध ८ लाख रकम बराबरको बैङ्किङ कसुर गरेको आरोप लागेको छ। यादव विरुद्ध नै जिल्ला अदालत धनुषामा पनि […]

जनकपुरधाम ।लोकतान्त्रिक समाजवादी पार्टी(लोसपा)का महासचिव जासर यादवलाई पक्राउ गर्न अदालतले आदेश गरेका छ्न। जिल्ला अदालत महोत्तरीले जिल्लाको एकडारा गाउँपालिका -४ चकवा बस्ने जिबछ यादवको छोरा लोसपाका महासचिव जासर यादवलाई बैँकङ्ग कसुर बिगो मुद्दामा गत असार १५ गते अदालतले पक्राउ गर्न आदेश दिएका हुन।अदालतले गरेको आदेशपछि असार १९ गते महासचिव यादवलाई पक्राउ गर्न अदालत पत्र जारी […]