२० फाल्गुण २०८०, आइतबार
03-03-2024 , Sun
×

रमुवादह मेलाको औपचारिक रुपमा उद्घघाटन

Logo
प्रकाशित बिहिबार, फाल्गुण ०८, २०७६

न्यूजमधेश सम्बादाता
कपिलवस्तु ,८ फाल्गुण।कपिलवस्तुको शिवराज नगरपालिका ९ रमुवादहमा महाशिवरात्रीको अवसरमा रमुवादह मेलालाई बुधबार औपचारिक रुपमा कार्यक्रमका प्रमुख अतिथी तथा वडाध्यक्ष चुर बहादुर खड्काले उद्घाटन गर्नु भएको छ ।

“समृद्धि र विकासका लागि ऐतिहासिक गढी तथा धार्मिक पर्यटकीय क्षेत्र शिवगढीको पहिचान, हाम्रो अभियान” भन्ने मूल नाराका साथ सञ्चालन भएको दोस्रो शिवगढी मेला तथा महाशिवरात्री पर्व विशेष साँस्कृतिक कार्यक्रम २०७६ शिवगढी पर्यटन विकास संस्थाको आयोजनामा सञ्चालन गरिएको छ ।

तीन दिन सम्म सञ्चालन हुने यो पर्यटन वर्ष ऐतिहासिक शिवगढी मन्दिरको प्रचार प्रसार गर्ने उद्धेश्यले रमुवादह मेलाको यस वर्ष पनि विगतका वर्ष जस्तै रमुवादहमा गरिने मेला बुधवार देखि सुरु भएकोे छ ।

मेलाले मन्दिरको प्रचार प्रसार साथै शिवगढीलाई पर्यटकिय क्षेत्रको रुपमा विकास गर्न टेवा पुग्ने शिवगढी पर्यटन विकास सस्थाका अध्यक्ष माल बहादुर घर्तीले बताउनुभयो ।

शिवरात्रीको अवसरमा शिवगढीमा दर्शनार्थीहरुको उल्लेखनीय सहभागी हुने भएकोले त्यस क्षेत्रको सुरक्षा व्यवस्था, स्वयम् सेवक परिचालन, प्राथमिक उपचार र मन्दिर व्यवस्थापनमा विशेष ध्यान दिएको आयोजकले जनाएको छ ।

गाउँबाट करिब २ घण्टा पैदल हिडेर जानुपर्ने भएकोले मन्दिर पुग्न बाटोमा मर्मत, ठाउँ–ठाउँमा मन्दिरसम्म पुग्न संकेत चिन्ह पम्पलेट राखिएकोले श्रद्धालु, भक्तजनमा पुग्न सक्ने समेत आयोजले जानकारी दिएको छ । मेला फागुन ७ गते देखि ९ गतेसम्म लाग्ने छ ।

कार्यक्रममा अधिकांश बोल्ने वक्ताहरुले ५ नंं. प्रदेश कै शिवगढी मन्दिर धरोहर भएकाले यस मन्दिरलाई प्रचारप्रसार, संरक्षण, सम्वद्र्धनको लागि अझै आवश्यक रहेको बताएका छन् । यसका लागि सम्बन्धित निकाय र सरोकारवालाहरुले समयमा ध्यान दिई पर्यटकीय स्थलको रुपमा विकास गर्दै जानुपर्ने कुरामा जोड दिएका थिए । कार्यक्रम विक्रम केसीको सञ्चालनमा सम्पन्न भएको थियो ।

कमेन्ट गर्नुहोस्
सम्बन्धित

जनकपुरधाम । जनता समाजवादी पार्टी नेपालसहित विभिन्न पार्टी परित्याग गर्दै सयौं जना नेताकार्यकर्ताहरु जनमत पार्टी प्रवेश गरेका छन् । शुक्रबार जनमत पार्टी धनुषाका इन्चार्ज सुरेन्द्र मण्डलको अध्यक्षतामा भएको पार्टी प्रवेश कार्यक्रममा विभिन्न पार्टीका सयौं जना नेताकार्यकर्ताहरु जनमत प्रवेश गरेका हुन् । नवप्रवेशीहरुलाई कार्यक्रमका प्रमुख अतिथिसमेत रहेका जनमत पार्टीका राष्ट्रिय अध्यक्ष डा.सीके राउत खादा र अबिर […]

जनकपुरधाम । मधेश प्रदेशको राजधानी जनकपुरधामस्थित नयाँ सुविधा सम्पन्न होटल कालिका एन्ड रेष्टुरेन्ट सञ्चालनमा आएको छ । जनकपुरधाम उपमहानगरपालिका वडा नम्बर-२ कदमचोकस्थित होटल कालिका एन्ड रेष्टुरेन्ट सञ्चालनमा आएको हो । (सोमबार) विधिवत रूपमा रिबन काटेर होटलको उद्घाटन गरिएको छ । कदमचोकदेखि शिवचोक जाने बाटोमा राजश्री बैंकको अगाडि र सेन्टर मार्टको माथिल्लो तल्लामा रहेको सो रेष्टुरेन्ट सुविधा […]

जनकपुरधाम। धनुषा र सिरहा जोड्ने हुलाकी सडकअन्तर्गत कमला नदीमाथि मोटरेबल पुल निर्माण सुरु भएको १२ वर्ष बितिसक्दा पनि पूरा भएको छैन। तर सोही निर्माणाधीन पुल नजिकै नेपालकै सबैभन्दा लामो ‘कठाल मल्हनिया मल्टिस्पान’ झोलुङ्गे पुल सम्झौता अवधिभन्दा झण्डै छ महिनाअघि सम्पन्न भएको छ। धनुषाको जनकनन्दिनी गाउँपालिका-६ कठाल र सिराहा नगरपालिका-१३ मल्हनिया जोड्ने सो पुल निर्माण सक्नुपर्ने […]