न्यूजमधेश सम्बादाता
जनकपुरधाम,८फाल्गुण। प्रदेश २ मा २ सय ३६ महिला अधिकार उलंघन भएको पाइएको छ । बुधबार अनौपचारिक सेवा केन्द्र (इन्सेक) प्रदेश कार्यालय जनकपुरधामले सार्वजनिक गरेको वर्ष पु्स्तक २०२० मा २ सय ३६ महिलाकोअधिकार उलंघन भएको जनाइएको छ ।
यकिन तथ्याङ्क नभएपनि विगत भन्दा यो संख्या दिनानु दिन बढ्दै गएको जनाइएको छ । महिला अधिकार उलंघनको संख्या वागमति प्रदेशमा सबै भन्दा बढी देखिएको छ । वागमती प्रदेशमा प्रदेश २ भन्दा दोब्बरले बढेको देखिन्छ । वागमती प्रदेशमा ७ सय ४७ महिलाको अधिकार उलंघन भएको इन्सेकले सार्वजनिक गरेको वर्ष पुस्तकमा उल्लेख भएको छ ।
प्रदेश २ मा जम्मा ७ सय ३० मानव अधिकार उलंघनको घटना भएको छ । यो संख्या गएको वर्षमा ६ सय १ मात्र थियो । प्रदेशमा ७ सय ३० मानव अधिकार उलंघन मध्ये महिला अधिकारकै २ सय ३६ घटना भएको पाइएको छ । प्रदेश २ मा मानव अधिकारको घटनामा सबै भन्दा बढी महिला पीडित भएको देखिएको छ । वर्ष पुस्तक अनुसार प्रदेशमा हत्या ७९ वटा, बाल अधिकार उलंघनका घटना २ सय २५, घाइते २६, अपहरण १७, घाइते २६, राज्यपक्षबाट ६, कुटपीट ५७ र राज्य पक्षबाट २२ वटा कुटपीट भएको छ ।
यस्तै धाकधम्की ९ जनालाई दिएको छ भने जातिय विभेद ५ र गिरफ्तार १५ जनालाई गरेको कितावमा मार्फत इन्सेकले जनाएको हो । यस्तै धनुषामा ९७ वटा मानव अधिकार उलंघनको घटना भएको छ, जस्मा हत्या र बलात्कार सबै भन्दा बढी भएको पाइएको छ । वर्ष पुस्तकको अनुसार धनुषामा १९ वटा महिला बलात्कृत भएकी छिन् भने १९ वटा हत्याको घटना पनि भएको छ ।
संगठित हुने अधिकारको हनन्को घटना १७ वटा, बहुविवाह ११ वटा र कुटपीट ४ वटा भएको देखिएको छ । इन्सेकका प्रदेश संयोजक राजु पासवान र एडभोकेसीका राजकुमार महासेठले संयुक्त रुपमा पुस्तक सार्वजनिक गरेका थिए । यस वर्ष इन्सेक उत्कृष्ट प्रतिनिधिका रुपमा बारा जिल्ला प्रतिनिधि भोलानाथ पौडेल पुरुस्कृत भएको छ ।
