न्यूजमधेश सम्बादाता
जनकपुरधाम,९ फाल्गुण।रौतहटका एक सरकारी अधिकारीले आफ्नो छोराको विना दाइजो विवाह गरेका छन्।मालपोत कार्यालय मौलापुर,रौतहटका प्रमुख बबुनन्दन साहले छोरा डा. राकेश स्वर्णकारको विवाह गौर नगरपालिका ५ की आरती साहसँग विना दाइजो विवाह सम्पन्न गरेका हुन्।

मधेसमा विवाह गर्दा ठूलो संख्यामा जन्ती लैजाने चलन छ।तर बेहुला राकेशले सिमित संख्यामा जन्ती लिएर विहिवार दिउँसो जनकपुरस्थित जानकी मन्दिर पुगे । बेहुली पनि आफ्न्त लिएर मन्दिर आइपुगिन् । हिन्दु धर्मअनुसार पण्डितले राकेश र आरतीको विवाह गराए ।

बेहुला राकेश डाक्टर हुन् । उनी काठमाडौंस्थित टिचिङ हस्पिटलमा कार्यरत छन् । स्तानक गरेकी बेहुली आरती मालपोत कार्यालय मौलापुरमै करारमा कार्यरत छिन् ।

बेहुली आरतीको बुवा लालबहादुर साहको १५ दिनअगाडी मात्रै हर्टअट्याक भएर निधन भएको थियो । जसले गर्दा आरतीको विवाह कसरी गर्ने भनेर उनको परिवारमा चिन्ता थपिएको दुई साता नवित्दै विना दाइजो उनको विवाह भएको छ । उनका दाई सन्तोष साहले लत्ताकपडा र केहि अन्य काममा मात्र ५०÷६० हजार खर्च भएको सुनाए ।

उनले दाइजो नदिएर बहिनीको विवाह गर्न पाएकोमा खुःशी व्यक्त गरे । उनले सामाजिक परम्परा नै विवाहको टुङ्गो लागेको र विवाह पनि सम्पन्न भएको बताए । उनले भने, ‘दुवै जनाको जीवन सुखद होस् भन्न चाहन्छु ।’
दाइजो प्रथा अन्त्य गर्न जरुरी रहेको सन्देश समाजलाई दिन छोरा डाक्टर भएपनि एक रुपैया दहेज नलिई उनको विवाह गरेको बबुनन्दन साहले प्रतिक्रिया दिए ।न्यूजमधेश सँग उनले भने, ‘हाम्रो समाजबाट दहेजको अन्त्य हुनुपर्छ ।’ उनले छोराको विवाह गर्दा दाइजो नलिन सबैसँग अनुरोध समेत गरे ।

यता, विवाहमा सहभागी जयकिशोर प्रसाद साहले बबुनन्दन जीले विना दाइजो छोराको विवाह गरेर उदाहरणीय काम गरेको भन्दै प्रसँसा गरे । उनले मधेसमा दाइजो प्रथाले जरा गाडेको अवस्थामा एक रुपैया पनि दाइजो नलिएर विवाह गर्नुले समाजलाई ठूलो सन्देश गएको बताए ।

उनले भने, ‘दाइजोका कारण हरेक दिन कहि न कहि महिलाको हत्या हुने गरेको छ । यो एकदमै दुःखदायी अवस्था हो । त्यसैले दाइजो प्रथाको अन्त्य हुनुपर्छ । आज बबुनन्दन जीले विना दाइजो छोराको विहे गर्नुभयो । यसरी नै दाइजो प्रथालाई सबैले झापड लगाउनुपर्छ ।’


हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

हाम्रो समुह

प्रकाशक  :मनोज कुमार मोरबैता
सम्पादक :दिपेन्द्र कुमार माझि
वरिष्ठ सल्लाकार : बिपी साह
वरिष्ठ सल्लाकार : श्रवण देव
वरिष्ठ सल्लाकार : सन्तोष जादब

सम्पर्क

सम्पर्क कार्यालय :जनकपुरधाम ( भानु चौक )
सम्पर्क : ९८४४५२०३२० ,९८०७७४९०००
ईमेल : [email protected]

Copyright © 2018-2020 News Madhesh