न्यूजमधेश सम्बादाता
महोत्तरी,११ फाल्गुण । जनतम पार्टीका राष्ट्रिय अध्यक्ष डा. सिके राउतले मुलुकका पार्टीहरु पुरानो रक्सीको बोतलमा नयाँ लेबल लगाए झैं चलिरहेको बताएका छन् ।
महोत्तरीको गौशालामा शनिबार पार्टीद्वारा आयोजित आमसभामा बोल्दै राउतले उक्त कुरा बताएका हुन् । पार्टीले जनताको मत लिएर रक्सीको बोतल झैं आफ्नो लेबल परिवर्तन गरिरहेको बताए । उनले बर्तमान नेकपा, कांग्रेस र मधेशवादी दलबाट जनता ठगिदैं आएको बताए ।
७० बर्षदेखि देशमा राजनीति गर्दै आएको कांग्रेसले जनतालाई केहि दिन नसकेको बताउँदै उनले नेकपा र मधेशवादीको हाल पनि त्यस्तै भएको बताए । ‘यी पार्टीका नेताहरु जनताको मत लिएर कुर्सीमा जाने र त्यसपछि जनतालाई बिर्सदैं आएका छन्’ उनले भने, “यसैले जनताको सेवक बन्दै अगाडि आउन खोजेको छ ।”
राउतले एक पटक जनमत पार्टीलाई मत दिन सबैसँग आग्रह गर्दै त्यसपछि राम्रो काम गर्न नसके मत नदिन भने ।
म्धेशवादी दलले जनतालाई शहीद मात्रै बनाएको र शहीदको सपना अहिलेसम्म पूरा नगरेको उनको भनाई थियो ।
पार्टीका जिल्ला सदस्य अर्जुन मण्डलको अध्यक्षतामा आयोजित आम सभामा पार्टीका महिला नेत्री सुनिता महतोले स्वागत मन्तव्य राखेको सभामा केन्द्रीय सदस्य अब्दुल खान, चन्दन सिंह, संजय स्वराजीसहितका नेताले मन्तव्य व्यक्त गरेका थिए ।
कार्यक्रममा सय जना कांग्रेस र नेकपा परित्याग गरी जनमत पार्टीमा प्रवेश गरेको अध्यक्ष मण्डलले बताए ।
सो कार्यक्रममा पार्टीका जिल्लाभरका सम्पुर्ण नगर र गाउपालिकाको प्रतिनिधिहरुको समेत उपस्थिति रहेको जनमत पार्टी महोत्तरीका संयोजक बिरेन्द्र मण्डलले जानकारी दिएका हुन् ।
भिडियो कन्फ्रेन्सबाटै मधेश ईन्जिनियर्स एसोसिएसनको गठन,अध्यक्षमा यादव
जन्मोत्सवमा पत्रकार बेल्वासेद्धारा विपन्न परिवारलाई राहत वितरण
