न्यूजमधेश सम्बादाता
जनकपुरधाम,११फाल्गुण । समाजवादी पार्टीका संघीय साँसद तथा प्रमुख सचेतक उमाशंकर अरगरियाले धनुषा–सिरहा जोड्ने हुलाकी सडक अन्तर्गतको कमला पुलको निरीक्षण गरेका छन् ।
संसदमा समेत पुल निर्माणमा ढिलाइ भइरहेको भन्दै पटक पटक आवाज उठाएका साँसद अरगरियाले पुलको निरीक्षण पश्चात निर्माण समयमा सक्न ठेकेदार कम्पनीका प्रतिनिधिसँग आग्रह गरेका हुन् । ठेकेदार कम्पनी लुम्बिनी बिल्डर्सका प्रतिनिधिले जेठभित्रै निर्माण सक्ने साँसद अरगरिया समक्ष प्रतिवद्धता जनाएका छन् ।
पुल निर्माणका लागि ९ वर्ष अगाडी २४ करोड ९१ लाखमा पप्पु कन्ट्रक्सनले ठेक्का लिएका थिए । तर पुल निर्माण समयमा गर्न सकेन । पटक पटक म्याद थपेपनि काममा ढिलाइ गर्दा ठेक्का तोडेर लुम्बिनी बिल्डर्सलाई दिएको छ ।
लुम्बिनी बिल्डर्सले ठेक्का पाएदेखि पुल निर्माण तिब्र गतिमा भइरहेको छ । निरीक्षण पश्चात साँसद अरगरियाले भने, ‘पुल निर्माणले तिब्रता पाएको छ । अब केहि दिनभित्रै निर्माण सकिने विश्वास छ ।’
पुल निर्माण समयमा नहुँदा धनुषा र सिरहाका दर्जनौं गाउँका बासिन्दा ठूलो समस्या झेल्दै आएका छन् । असारमा हरेक वर्ष आउने बाढीले महिनौंसम्म उक्त सडक ठप्प हुन्छ ।
नागरिकता विधेयक बिषयमा गठबन्धन बनाएर सहकार्य गर्न डा राउतद्वारा अन्य पार्टीसंग आग्रह
नेकपा पार्टीभित्रको समस्या समाधान गर्न नयाँ एकता गर्नुपर्छ ः नेता पौडेल
