०९ बैशाख २०८१, आइतबार
21-04-2024 , Sun
×

कमला नगरपालिकामा छोरी शिक्षा विमा कार्यक्रम

Logo
प्रकाशित बुधबार, फाल्गुण १४, २०७६

न्यूजमधेश सम्बादाता
जनकपुरधाम,१४ फाल्गुण।मुख्यमन्त्री बेटी पढाउ, बेटी बचाउ अभियान अन्तर्गत छोरी शिक्षा विमा कार्यक्रम मंगलबार धनुषाको कमला नगरपालिकामा भएको छ।

आन्तरिक मामिला तथा कानुन मन्त्री ज्ञानेन्द्र कुमार यादवले उद्घाटन गरेपछि छोरी शिक्षा विमा कार्यक्रम भएको हो ।कार्यक्रमको उद्घाटन गर्दै मन्त्री यादवले प्रदेश सरकारले छोरीको लागि विभिन्न कार्यक्रमहरु ल्याएको बताए ।

छोरीको लागि ५० प्रतिशत आरक्षण दिने पहिलो प्रदेश रहेको मन्त्री यादवले थपे ।सो अवसरमा प्रदेशसभा सदस्य एवम् समाजवादी पार्टीका संसदीय दलका उपनेता रामअशिष यादवले प्रदेश सरकारले समाजिक कुरीति अन्त्य गर्नको लागि छोरी शिक्षा विमा कार्यक्रम ल्याएको बताए ।

बालविवाह, दाइजो प्रथा, महिला हिंसा न्युनिकरण गर्नको लागि छोरीलाई शिक्षित बनाउनुपर्छ, उनले भने–छोरीलाई शिक्षित बनाउन प्रदेश सरकारले विभिन्न कार्यक्रमहरु ल्याएको छ ।कमला नगरपालिकाका मेयर रामउदगार गोइतको अध्यक्षतामा भएको कार्यक्रममा समाजवादी पार्टी धनुषा समन्वय समितिका अध्यक्ष पशुपति यादव, नेपाल बौद्धिक पेशाकर्मी महासंघका केन्द्रिय उपाध्यक्ष जीतेन्द्र कुमार यादव,कमला नगरपालिकाकी उपमेयर शिला देवी मण्डल,मुख्यमन्त्री बेटी पढाउ, बेटी बचाउ अभियानका निर्देशक समिति सदस्य ममता मण्डल लगायतको उपस्थिति रहेको थियो ।

मंगलबार साँझसम्म ७१ जना छोरीको फारम दर्ता भइसकेको बेटी पढाउ, बेटी बचाउ अभियानका संयोजक प्रियंका यादवले बताइन् ।

कमेन्ट गर्नुहोस्
सम्बन्धित

जनकपुरधाम । मधेश प्रदेशका भूमि व्यवस्था, कृषि तथा सहकारी मन्त्री गोविन्दबहादुर न्यौपानेले मधेशमा रहेका मुक्त हरवाचरवाहरूलाई उद्यमशील बनाउने नीति तथा कार्यक्रम आवश्यक रहेका बताउनुभएको छ । राष्ट्रिय हरवाचरवा अधिकार मञ्चको तेस्रो राष्ट्रिय सम्मेलनको शुक्रबार जनकपुरधाममा उद्घाटन गर्नुहुँदै मन्त्री न्यौपानेले हरवाचरवाको आवश्यकता पहिचान गरी दीर्घकालीन समस्या समाधान हुने गरी उद्यमशीलतामा जोड दिनुपर्ने बताउनुभयो । “तपाईहरूले मुक्त […]

जनकपुरधाम । नेपाल विद्यार्थी संघले विद्यालय शिक्षाको गुणस्तर अभिवृद्धिको माग गर्दै धनुषासहित देशभरका स्थानीय तहमा ज्ञापन पत्र बुझाएको छ । आफ्नो ५५ औँ स्थापना दिवसमा नेविसंघले नेपालको आधारभूत र माध्यमिक तहसम्मको शिक्षाको गुणस्तर अभिवृद्धिको माग र सुधारका सुझाव सहितको ज्ञापन पत्र देशभरका स्थानीय तहमा बुझाएको हो । सो क्रममा धनुषाको कमला नगरपालिकामा नेविसंघका केन्द्रीय सदस्य […]

जनकपुरधाम । मुख्यमन्त्री सरोजकुमार यादवले विश्वासको मत लिन डाकिएको मधेश प्रदेशसभा बैठकमा सत्तापक्ष र प्रतिपक्षी दलका सांसदहरुबीच चर्काचर्की भएको छ । सभामुख रामचन्द्र मण्डलले प्रदेशसभा बैठक सुरु गरेलगत्तै जनमत पार्टीका सांसदहरुले उठेर विरोध जनाए । सो क्रममा एमालेका सांसद दीपेन्द्र ठाकुर र जनमतका सांसद चन्दन सिंहबीच चर्काचर्की भएको हो । जनमतका सांसद सिंहले माघ ८ […]