न्यूजमधेश सम्बादाता
जनकपुरधाम,१४फाल्गुण।धनुषा जिल्लाको औरही गाउँपालिकामा विपन्न परिवारलाई मंगलबार कम्बल वितरण गरिएकोछ।
मंगलबार जिल्ला विपद्व्य वस्थापन समिति,नेपाल रेडक्रस सोसाइटी धनुषा शाखाको सहयोगमा जुम नेपालको संयो जकत्वमा औरही गाउँपालिकाको झिटकोहिया टोलमा २८ जना अति विपन्न परिवारलाई कम्बल वितरण गरिएको हो।
कम्बल वितरण कार्यक्रममा प्रमुख जिल्ला अधिकारी प्रदिपराज कनेल, सहायक प्रमुख जिल्ला अधिकारी शरद कुमार पोखरेल,नेपाल रेडक्रस सोसाइटी धनुषा शाखाको सभापति नरेश प्रसाद सिंह ,राजकिशोर यादव लगायतको उपस्थितिमा कम्बल वितरण गरेको जूम नेपालका अध्यक्ष मनोज कुमार साहले जनाकारी दिए।
त्यसैगरि जनकनन्दनी गाउँपालिकाको खजुरी महुवास्थित महरा टोलमा सोमबार २८ जना अशक्त,अपांग लगायत अति बिपन्न घरपरिवारलाई कम्बल वितरण गरेको थियो।
उक्त कम्बल वितरण कार्यक्रममा स्थानीय राकेश गुप्ता, आशिन साफी, जगतारैन देवि महरा, गेना देवी र डा हासिम राईन समेतको उपस्थिति रहेको अध्यक्ष साहले बताए ।
