न्यूजमधेश सम्बादाता
जनकपुरधाम,१७ फाल्गुण। नेपाल रेडक्रस सोसाइटी धनुषाले विपद्व्य वस्थापन तथा समाजिक सुरक्षा सम्बन्धी एक दिवसीय अभिमुखीकरण कार्यक्रम गरेको छ।
युनिसेफको सहयोगमा शुक्रबार भएको सो कार्यक्रममा विपद आएको बेलामा पीडित परिवारजनलाई कसरी सहयोग गर्ने त्यस बारे जानकारी गराइएको छ ।
रेडक्रसका धनुषा सभापति रामनरेश सिंहको अध्यक्षतामा धनुषाको मिथिला नगरपालिका वडा नं. ८ मा भएको अभिमुखीकरण कार्यक्रममा रेडक्रसले गर्दै आएको कार्यको बारेमा जानकारी गराउँदै प्रकृतिक प्रकोप आउनुभन्दा अघि र पछि पीडितहरुको हकमा कसरी कार्य गर्ने बताए ।
सहभागीहरुले पीडितहरुलाई जहाँ सहज किसिमले सामानहरु उपलब्ध हुन्छ त्यहाँ नगद नै सहयोग गर्न सम्बन्धित निकायसँग आग्रह गरेका छन्।रेडक्रस प्रतिनिधि रमेशले भने,बाढीबाट पीडित व्यक्तिलाई सामान दिनेकि नगद रुपैया दिने वातावरण र ठाउँमा निर्भर पर्छ ।’ उनले जहाँ समान उपलब्ध छैन त्यहाँ सामान नै दिनुपर्छ।तर जहाँ सामान उपलब्ध छ त्यस्तो ठाउँमा नगद दिएमा ढुवानी खर्चको बचत हुने बताएका छन् ।कार्यक्रममा प्रमुख जिल्ला अधिकारी प्रदीपराज कँडेलले रकम वा सामान दिनुभन्दा तालिमको अति आवश्यक रहेको बताएका छन्।
प्राकृतिक प्रकोपबाट बाँच्नका लागि वर्तमान अवस्थामा विभिन्न प्रकारको तालिम आवश्यक रहेको जिकिर गरेका छन् ।उनले भने,गरिबी न्यूनिकरण र जोखिमबाट बाँच्नका लागि स्थानीय सरकारले सशक्त रूपमा दिगो बिकास लक्ष्यप्राप्ति मा समेत सहयोग हुनेगरी बजेट छुट्याउनु पर्ने अवस्था रहेको छ ।
यसमा आफूले सक्दो सहयोग गर्नेछौं ।’त्यस्तै मिथिला नगरपालिकाका मेयर हरिनारायण महतो र औरही गाउँपालिकाका अध्यक्ष ब्रम्ह्देव यादवले रेडक्रसले स्थलगत तथ्यांक संकल्न गर्न लागेकोप्रति प्रशंसा गरे।अध्यक्षद्वयले तथ्यांक हाम्रो लागि मुल सम्पत्ति हुनसक्ने रेडक्रसले सत्यतथ्य तथ्यांक संकलन गरेकै आधारमा पालिका’ द्वारा हुने सहयोग ,समाजिक सुरक्षा व्यवस्थापन गर्ने बताएका छन्।
