०५ बैशाख २०८१, बुधबार
17-04-2024 , Wed
×

मधेशी सहिदहरुको शालिक बिरगंजमा बन्ने

Logo
प्रकाशित शनिबार, फाल्गुण १७, २०७६

न्यूजमधेश सम्बादाता
बीरगंज,१७ फाल्गुण। बीरगंजमा मधेश आन्दोलनका क्रममा शहीद भएकाहरुको शालिक निर्माण गरिने भएको छ । घण्टाघरस्थित विपी उद्यान मधेशी शहीद पार्कमा शहीदको शालिक निर्माण गरिने भएको हो ।

चालू आर्थिक वर्ष २०७६÷७७ भित्रै शालिक निर्माण गरिने लक्ष्य लिइएको छ । शुक्रबार एक कार्यक्रमकाबीच प्रतिनिधी सभा सदस्य प्रदीप यादव र महानगरपालिकाका प्रमुख विजय कुमार सरावगीले संयुृक्त रुपमा शालिकको शिलान्यास गरेका छन् ।

पछिल्लो मधेश आन्दोलनका क्रममा पर्सामा ७ जनाले ज्यान गुमाएका छन् । उनीहरु सबैको शालिक निर्माण गरिने सांसद यादवले बताए । शहीदकै कारण हालसम्मको उपलब्धी रहेको भन्दै उनले शहीदलाई मधेशको धर्तीमा सम्मान गर्न र सम्झनामा राख्न सहिद स्मारक निर्माण गर्न लागिएको जानकारी दिए ।

शालिक निर्माणका लागि रु ४० लाख बजेट छुट्टयाएको छ । सांसद यादवको संसदीय कोष अन्तर्गत स्थानीय पूर्वाधार विकास साझेदारी कार्यक्रमबाट रु २० लाख र वीरगञ्ज महानगरपालिकाले २० लाख गरी ४० लाख रुपैयाँ बजेट छुट्टयाइएको छ ।

शालिक निर्माण गर्न लागिएको विपी उद्यानको जग्गामा मुख्यमन्त्री लालबाबु राउत र भौतिक पूर्वाधार विकासमन्त्री जितेन्द्र सोनलले गत बर्ष संयुक्त रुपमा शहीद पार्कको शिलान्यास गरेका थिए । तर त्यो पार्क निर्माणको काम हालसम्म अगाडि बढ्न सकेको छैन् ।

कमेन्ट गर्नुहोस्
सम्बन्धित

जनकपुरधाम । मुख्यमन्त्री सरोजकुमार यादवले विश्वासको मत लिन डाकिएको मधेश प्रदेशसभा बैठकमा सत्तापक्ष र प्रतिपक्षी दलका सांसदहरुबीच चर्काचर्की भएको छ । सभामुख रामचन्द्र मण्डलले प्रदेशसभा बैठक सुरु गरेलगत्तै जनमत पार्टीका सांसदहरुले उठेर विरोध जनाए । सो क्रममा एमालेका सांसद दीपेन्द्र ठाकुर र जनमतका सांसद चन्दन सिंहबीच चर्काचर्की भएको हो । जनमतका सांसद सिंहले माघ ८ […]

काठमाडौं। अल नासेर ओभरसिजले दुईदेखि तीन लाख रुपैयाँसम्म लिएर कतारको इमदाद अलक्युबिदा कम्पनीमा पठाएका ५५ नेपाली कामदार भोकभोकै अलपत्र परेका छन् । जसमा महिलासमेत छन् । कम्पनीले तलब नदिनुका साथै खाने व्यवस्थासमेत नगर्दा उनीहरूको बिजोग भएको हो । उनीहरूलाई कम्पनीले ३ देखि ५ महिनासम्मको तलब दिएको छैन । दोहास्थित नेपाली दूतावासले खानाको व्यवस्था गर्न अल नासेर ओभरसिज र इमदाद […]

महोत्तरी। मधेस प्रदेशको प्राचीन मिथिला क्षेत्रमा आज श्रद्धापूर्वक वासन्ती छठ मनाइँदै छ । चैत शुक्ल चतुर्थीदेखि सप्तमीसम्म चार दिन विभिन्न विधिसाथ मनाइने पर्वको आज तेस्रो दिन व्रतालुले निराहार व्रत सुरु गरेका छन् । यसअघि गत शुक्रबार चैत शुक्ल चौथी (चतुर्थी)का दिन ‘नहाय–खाय’ (पवित्र स्नान गरेर शुद्ध खाने) विधिबाट पर्व प्रारम्भ गरेका व्रतालुले हिजो शनिबार पञ्चमी […]