कमल मण्डल
राजविराज ,४ चैत्र ।सप्तरीको तिलाठी कोईलाडी गाउँपालिकामा नसर्ने रोग सम्बन्धि एक दिने अन्तरक्रिया तथा अभिमुखिकरण कार्यक्रम सम्पन्न भएको छ । तिलाठी कोईलाडी गाउँपालिका स्वास्थ्य शाखाद्धारा सोमवार अभिमुखिकरण कार्यक्रम आयोजना गरिएको हो ।

तिलाठी कोइलाडी गाउँपालिकाका प्रमुख सतिश कुमार सिंहको अध्यक्षतामा अयोजना गरिएको कार्यक्रममा सोहि गाउँपालिका उपप्रमुख सुचिता कुमारी यादव,गाउँपलिकाका कार्यपालिका सदस्यहरु, सम्पुर्ण वडाका वडाध्यक्ष, वडाका सचिव,विद्यालयका प्रधानाध्यापकहरु लगायतका सहभागीता रहेको थियो । रक्तचाप, मधुमेह, क्यान्सर लगायतका नसर्ने रोगहरुको लक्षण तथा यस्ता रोगहरुबाट जोगिन अपनाउनुपर्ने तरिकाहरुबारे सहभागीलाई जानकारी दिइएको थियो ।

अकालमृत्युबाट रोक्न,रोग बृद्धि हुन नदिन र मृत्युदर घटाउनका लागी यस्ता कार्यक्रमको आयोजना गरिएको गाउँपालिका जनस्वास्थ्य निरिक्षक दिपक मण्डलले जानकारी दिएका छन् ।जिल्ला जनस्वास्थ्य सप्तरीका भेक्टर कन्ट्रोल निरिक्षक नारायण प्रसाद राउतले नसर्ने रोग सम्बन्धि प्रशिक्षण गर्दै कोरोना भाइरसका लक्ष्ण तथा जोगीने उपायहरुबारे समेत जानकारी दिए ।

यस्ता अभिमुखिकरण कार्यक्रम एक दमै फलदायी रहेको मधेपुराका शिक्षक राम यादवले बताए । उनले भने कार्यक्रममा सिकेकाकुरा आफ्ना समुदायमा गई व्यवहारमा अपनाउने छु । कार्यक्रममा सहभागीहरुबाटै मधुमेह र रक्तचापका प्रयोगात्मक परिक्षण शुरु गरेका थिए ।

परीक्षणका क्रममा सहभागीमध्ये २ जनालाई मधुमेह देखिएको थियो । तिलाठी कोइलाडी गाउँपालिका वडा नम्बर १ का अध्यक्ष दिनेश्वर मिश्रले आफना मन्तव्य व्यक्त गरे ।कार्यक्रम सञ्चालन सोहि गाउँपालिकाका जनस्वास्थ्य अधिकृत भुपेन्द्र झाले गरे भने स्वागत मन्तव्य नि. प्रमुख प्रशासकिय अधिकृत राजु कुमार झाले व्यक्त गरे


हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

हाम्रो समुह

प्रकाशक  :मनोज कुमार मोरबैता
सम्पादक :दिपेन्द्र कुमार माझि
वरिष्ठ सल्लाकार : बिपी साह
वरिष्ठ सल्लाकार : श्रवण देव
वरिष्ठ सल्लाकार : सन्तोष जादब

सम्पर्क

सम्पर्क कार्यालय :जनकपुरधाम ( भानु चौक )
सम्पर्क : ९८४४५२०३२० ,९८०७७४९०००
ईमेल : [email protected]

Copyright © 2018-2020 News Madhesh