न्यूजमधेश सम्बादाता
जीतपुर, ४ चैत्र । जीतपुरसिमरा उपमहानगरपालिका वडा नम्बर १६ को वडा कार्यालय र सचेत युवा समुहको संयुक्त आयोजनामा कोरोना भाईरस विरुद्धको अभियान शुरु गरेको छ ।कोरोना भाईरसको त्रास नेपालमा पनि बढ्दै गईरहेका बेला वडा कार्यालयले कोरोनाभाईरस विरुद्धको अभियान शुरु गरेको हो ।
अभियान स्वरुप वडा कार्यालयले १५ सय मास्क वितरण गरेको छ । सचेत युवाहरुको सहयोगमा वडा कार्यालयले १५ सय मास्क वितरण गरेको वडा अध्यक्ष केदार बजगाईले जानकारी दिए ।१५ सय मास्क मध्य १०० वटा मास्क जनजागृती माद्ययमिक बिद्यालय सखुवाघाटलाई वितरण गरिएको अध्यक्ष बजगाईले बताए ।
अभियान अन्र्तगत जनचेतना मुलक कार्यक्रम,गर्न टोल, टोलमा पुगेर कोरोना विरुद्ध लड्ने क्षमताको विकास,सरसफाई सम्बन्धी चेतना मुलक कार्यक्रम लगायत गरिने अध्यक्ष बजगाईले जानकारी दिए ।
अध्यक्ष बजगाईले बृद्धाद्धय लालबहादुर कुईकेल र लक्ष्मी प्रसाद उप्रेतीलाई मास्क बितरण गरेर अभियानको सुरुवात गरेका थिए । मास्क जीतपुरसिमरा उपमहानगरपालिकाको वडा नं.१६ ,१७ र १८ मा बितरण गरिएको थियो । अभियानमा सचेत युवा समुहका संयोजक रामचन्द्र भट्टराई ,समाजसेवी रोशन उप्रेती ,कुमार तिमलसिना, मलक नेपाल,हरिदेव खरेल, गंगा दंगाल लगायतको उपस्थिती रहेको थियो
