कृष्णा यादब
वीरगंज ,५ चैत्र ।कारागारमा अपराधीहरु को राज चल्ने गरेको समाचार प्राप्त भएको छ । जेल प्रशासनलाई मिलाएर चौकीदार बनेकाहरुले कारागारमा ब्रह्मलुट मचाउने गरेका छन् ।

वीरगंज कारागारमा लागूऔषध मुद्दामा सजाय भोग्दै आएका बिक्की अग्रवालको कारागारमा रजाइ चल्ने गरेको छ । अग्रवालकै इसारामा अर्का कैदी शेख भोलाले ब्रह्मलुट मचाउने गरेका छन् । यतिखेर कारागारका मुख्य चौकीदार दिनेश सर्राफ छन् तर सर्राफ नामका लागि मात्रका चौकीदार हुन् ।

कारागारभित्र बिक्की अग्रवाल र शेख भोलाको रजाइ चल्ने गरेको छ । वीरगंज कारागारका जेलर श्रवण पोखरेल छन् तर जेलभित्र अपराधीहरुको रजाइ चल्ने गरेको छ । कारागारको कमाइ जेल प्रशासन, जिल्ला प्रशासनदेखि गृह मन्त्रालयसम्म पुग्ने गरेको स्रोतले बताएको छ । कैदी बन्दीहरुमाथि चरम शोषण हुने गरेको छ ।

बिरामी पर्दासमेत उपचार गराउन अस्पताल जान चौकीदारलाई रकम दिनुपर्छ । कैदी बन्दीलाई सरकारले दिने बिदामा समेत भ्रष्टाचार हुने गरेको छ ।चौकीदार र नाइकेको शोषणको विरोध गर्नेलाई गोलघरमा राखेर यातना दिने गरिन्छ जसको कारण कोही कसैले मुख खोल्दैनन् । कारागारमा बिक्की अग्रवाल र शेख भोलाको एक छत्र राज चल्दै आएको छ ।

रकम दिनेलाई भने रेष्टुरेन्टमा लगेर मोजमस्ती गराइन्छ । जेल प्रशासनको मिलोमतामा नै कारागारभित्र मदिरा, लागूऔषध पुर्याइन्छ । मोबाइल फोन प्रयोग गर्न दिइन्छ । कारागराभित्र हुने अनियमितताको जिल्ला प्रशासन र जिल्ला प्रहरी पनि जानकार छन् तर कारबाई भने गरिंदैन ।


हाम्रो बारेमा

ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा कहिल्यै कसैसँग सम्झौता गर्ने छैन ।  अनलाइन पत्रिकाको रुपमा निरन्तर सुचना प्रवाहमा जागरुक रहन्छ ।

हाम्रो समुह

प्रकाशक  :मनोज कुमार मोरबैता
सम्पादक :दिपेन्द्र कुमार माझि
वरिष्ठ सल्लाकार : बिपी साह
वरिष्ठ सल्लाकार : श्रवण देव
वरिष्ठ सल्लाकार : सन्तोष जादब

सम्पर्क

सम्पर्क कार्यालय :जनकपुरधाम ( भानु चौक )
सम्पर्क : ९८४४५२०३२० ,९८०७७४९०००
ईमेल : [email protected]

Copyright © 2018-2020 News Madhesh