न्यूजमधेश सम्बादाता
राजविराज,७ चैत्र । ‘अहिले १० दिन मात्रै प्रतिक्षा गर्नुस् । मैले पार्टीका नेताहरुसँग कुरा गरिसकेको छु । तपाईंले आफ्नो रकम पाउनुहुन्छ ।”
यो सुनेर अर्काे व्यक्ति जवाफ दिन्छन्, “अलिक चाँडो गरिदिनुस् है, म समस्यामा छु ।”
१० दिनको समय दिने व्यक्ति हुन् सप्तरीका गुड्डु भनिने सुरजित सिंह र जवाफ दिने सप्तरीका प्रमुख जिल्ला अधिकारी भइसकेका पूर्व रक्षा सचिव तिलकराम शर्मा हुन् । यो वार्तालापले सिंहले शर्मासँग रकम लिएको र १० दिनभित्र बुझाइदिने बुझिन्छ । तर, यस्तो होइन् । शर्माले सप्तरीकै तिलाठी कोइलाडी गाउँपालिकाका शेखर सिंहलाई राष्ट्रिय सभा निर्वाचनको उम्मेदबार बनाउन राष्ट्रिय जनता पार्टी (राजपा) का शिर्षस्थ नेतालाई रकम बुझाएको हालै एउटा अडियो सार्वजनिक भएको छ ।
राजपाका उपाध्यक्ष समेत रहेका सिंहलाई राजपा शिर्षस्थले रु अढाई करोड रकम मागेको र उक्त रकममध्ये डेड करोड शर्माले व्यवस्था गरेर बुझाएको उक्त अडियोबाट बुझ्न सकिन्छ ।
शेखर सिंह उम्मेदबार बनेर राष्ट्रिय सभा सदस्य पदमा निर्वाचित समेत भइसकेका छन् । उनलाई उम्मेदबार बनाउन शर्माले अन्य व्यक्तिसँग लिएर रकम राजपा अध्यक्ष मण्डललाई बुझाएका हुन् । सिंहले शर्मालाई चाँडै रकम बुझाउने बताएका थिए । तर रकम नबुझाउँदा शर्माले सप्तरीकै ज्योति झाको मोवाइलबाट फोन गरेर सिंहकै भतिजा लाग्ने सुरजितसँग कुरा गरेका हुन् । सोही कुराकानीको भिडियो बाहिरिएको हो ।
झाले शर्मालाई सुरजितसँग कुराकानी गराएका छन् । झाको मोवाइलमा सुरजितले कुरा गर्दा शेखरसँग आफ्नो सम्बन्ध राम्रो नभएको समेत बताएका छन् । तर पनि उनले काठमाडौं आएपछि पहल गर्ने आश्वासन समेत शर्मालाई दिएका छन् ।
‘मैले पार्टीका राजकिशोर यादवज्यूसँग कुरा गरेको छु’ उनले भने, “१० दिन केहि नबोल्नुस् । नभै पार्टीको इज्जत जान्छ ।”
इो आश्वासनपछि शर्माले ठिक छ भनेका छन् । ‘जोसँग रकम लिएको छु, उसले दबाब दिन थालेका छन्’ शर्माले भने, “यथासक्य चाँडो पहल गरिदिनुस् ।”
उखु किसानद्वारा पुन:आन्दोलनको घोषणा
पछिल्लो चौबीस घण्टामा कोरोनाबाट चार जनाको मृत्यु
