न्यूजमधेश सम्बादाता
जनकपुरधाम,९ चैत्र । कोरोना भाइरसका संक्रमितलाई राख्न जनकपुरधामको मणिपाल टिचिङ हस्पिटलको भवनमा आइसोलेसन सेन्टर खोल्ने तयारी भइरहेको छ ।
शनिवार जनकपुरधामका मेयर लालकिशोर साह, उपमेयर रिता झा र विज्ञहरुको टोलीले उक्त भवनको निरीक्षण गरेको हो । आइसोलेसन सेन्टरका लागि भवन उपयुक्त रहेको विज्ञहरुले बताएका छन् । आइसोलेसन सेन्टरका लागि जनकपुरधाम उपमहानगरपालिकाले आर्थिक सहयोग गर्ने बताइएको छ ।
खतरनाथ कोरोना भाइरस यतिबेला विश्वमा फैलिसकेको छ । परोसी मुलुक भारतमा समेत कोरोनाका सयौं सक्रिमित रहेका पुष्टि भइसकेका कारण प्रदेश २ का जिल्लाहरु उच्च जोखिममा छ । तर हालसम्म आइसोलेसन वार्ड प्रदेश २ मा छैन ।
प्रदेश २ सरकारले समेत आठै जिल्लामा क्वारेन्टाइन र आइसोलेसन सेन्टर निर्माणको तयारी थालिसकेको छ ।
