स्वास्थ्यकर्मीको मोटरसाइकल चोरी

न्यूजमधेश सम्बादाता
सप्तरी,१६ चैत्र । देशमा कोरोना संक्रमण फैलिन नदिन सरकारले लक डाउन लगाएको समयमा एक जना स्वास्थ्यकर्मीको मोटरसाइकल चोरी भएको छ ।

सप्तरी सदरमुकाम राजविराजस्थित शहरी स्वास्थ्य केन्द्रका प्रमुख अहेब सन्तोष दासको मोटरसाइकल शनिबार केन्द्र अगाडिबाटै चोरी भएको छ ।

दास ड्यूटीमा रहेको बखत उनले बाहिर राखेको बा.४३प २२१२ नम्बरको इन्टेन्सर मोटरसाइकल चोरी भएको हो ।

‘बाहिर मोटरसाइकल राखेर भित्र ड्यूटीमा थिएँ’ दासले भने, “ड्यूटि सकिएपछि बाहिर आउँदा मोटरसाइकल चोरी भएको पाएँ ।”