न्यूजमधेश सम्बादाता
जनकपुरधाम,१९ चैत्र ।विश्वभर माहामारीको रुपमा फैलिएको कोरोना भाइरसको रोकथामका लागि सरकारले लगाएको लकडाउनको समयमा दिनकमाउने रात खाने अति विपन्न परिवारलाई स्थानीय विद्यार्थीले राहत वितरण गरेको छ।
मंगलबार सिरहाको सुखिपुर नगरपालिका वडा नं.८ मा स्थानीय विधार्थी नेता नितेश कुमार यादबको अगुवाइमा अति विपन्न ५ घरपरिवारलाई राहत वितरण गरेको छ।
विद्यार्थी नेता यादवका अनुसार विद्यार्थीहरुको सहयोगमा ८ हजार रकमको खाद्यान्न सामग्रीहरु किनेर ती गरिब परिवारलाई छाक टार्न समस्या रहेको बेला राहत प्रतिघर चाबल १५ केजि ,दाल २ केजि , खाने तेल १ केजि,आलु २ केजि,नुन १ केजि ,डिटोल साबुन १ पिस र घरका सबै सदस्यीयलाई मास्क समेत दिएको छ।
यता नगरपालिकाले विभिन्न वडाहरुमा हातधुने सावुन र माक्स वितरण गरेका छ ।तर गरिब परिवारलाई छाक टार्न समस्या भएको वेला बिधार्थीहरुले राहत स्वरुप खाद्यान्न बाडेपछि दलित परिवार खुशी भएको थियो।
अति विपन्न घर परिवारलाई नगरपालिकामा खाद्यान्न सामग्री उपलब्ध गराई दिनको लागी आग्रह गरे पनि कुनै वास्ता नगरेको स्थानियहरुको भनाई रहेको छ ।
सो राहत वितरण कार्यक्रममा विद्यार्थी नेता विभाष यादव,नवरत्न साह र आशिष साहलगाइत सहयोगीहरुको उपस्थितिमा वितरण गरेको थियो।
