न्यूजमधेश सम्बादाता
जनकपुरधाम ,१९ चैत्र । कोरोनाको आशंकमा प्रादेशिक अस्पताल जनकपुरधाममा भर्ना भएका दुई व्यक्तिको रिपोर्ट नेगेटिभ आएको छ ।
अस्पतालको आइसोलेशनमा भर्ना भएका दुबै व्यक्तिको रिपोर्ट नेगेटिभ आएको अस्पतालका ल्याब विभागकी प्याथोलोजिस्ट डा. स्वेना ठाकुरले जानकारी दिइन् ।
उनका अनुसार भारतबाट केहि दिन अगाडि आएका ती दुई व्यक्तिमा रुघाखोकी र ज्वरो देखिएपछि अस्पतालमा भर्ना भएका थिए ।
दुबैको स्याब लिएर काठमाडौंको टेकुस्थित राष्ट्रिय प्रयोगशालामा पठाएको र रिपोर्ट नेगेटिभ आएको उनले बताइन् ।
रिोपर्ट नेगेटिभ आएपछि दुबैलाई डिस्जार्च गरिएको छ ।अस्पतालमा अहिले पनि चार जना कोरोना आशंकमा भर्ना भएको र स्याब टेस्ट लिएर काठमाण्डु पठाउने तयारी भइरहेको उनले बताइन् ।
यसअघि धनुषाकै एक युवकमा कोरोनाको आशंका गरिएको थियो । दुई साताअघि उनको जाँच गर्दा रिपोर्ट नेगेटिभ आएको थियो
